Jaıyq ózenindegi sý deńgeıi Oralda bir táýlikte 13 santımetrge kóterildi

<p>ORAL. KAZINFORM &mdash; Batys Qazaqstan oblysynda Jaıyq ózenindegi sý deńgeıi kóterilip keledi.&laquo;Qazgıdromet&raquo; RMK BQO fılıalynyń 15 sáýir kúngi tańǵy saǵat 08.00-degi málimeti boıynsha ózen deńgeıi Oral qalasy tusynda bir táýlikte 13 santımetrge joǵarylap, 768 santımetrge (qaýipti shegi &ndash; 850 sm) jetti.</p>

Báıterek aýdany ıAnvartsev gıdrobeketinde 1 santımetrge (802 sm) túskenimen, qaýip seıilgen joq. Esesine Kóshim aýylynda 751 (+12), Taıpaqta 459 (+11) santımetrdi kórsetti. 

Kóshim kanalynda sý deńgeıi 820 santımetrge (+13) jetip, qaýipti shekten 20 santımetrge asyp ketti. 

Foto: Ǵaısaǵalı Seıtaq/Kazinform

BQO ákiminiń orynbasary Qalııar Aıtmuhambetovtiń aıtýynsha, Orynbordan kele jatqan úlken sýdyń aldyńǵy legi búgin keshke ne túnde oblys shekarasyna, Bórli aýdany Jarsýat aýyly tusyna jetedi.

«Jaıyq ózeni boıynda ornalasqan 84 eldi meken men Oral qalasynda bógetterdi bekitý jumystary bite keldi. Qazirgi kezde bógetterdiń eni ulǵaıtylyp, bıiktigi kóterilýde», dedi Q.Aıtmuhambetov. 

Eske sala keteıik, budan buryn sý tasqynyna baılanysty Oral qalasynyń barlyq mektepteri onlaın oqytýǵa kóshetinin jazǵan bolatynbyz. 

Sondaı-aq Májilis depýtattary Oraalda úıi sýǵa ketken turǵyndardyń ótinish-tilegine qulaq túrdi.

Edil Jańbyrshın sý tasqyny kezinde bárine de daıyn bolýy kerektigin aıtty.

Foto: Ǵaısaǵalı Seıtaq/Kazinform