Jaıyq ózeninde muz qatyp, Atyraýdaǵy sý sorý qondyrǵylary toqtap qaldy

<p>Atyraýda aýa temperatýrasy kúrt tómendedi. Kúnniń salqyndaýynan Jaıyq ózeninde muz qatyp, sý soratyn stansalardyń jumysy toqtap qaldy, dep habarlaıdy Kazinform.</p>

Atyraý qalasynyń turǵyndary kesheden beri beri sý qysymynyń tómendep, keıin toqtap qalǵanyn jazyp jatyr. Turǵyndar bul týraly áleýmettik jeli men WhatsApp messendjerinde taratty.

Osyǵan baılanysty «Atyraý oblysy Sý Arnasy» KMK-nyń baspasóz qyzmeti túsinik berdi.

«Atyraý qalasy men onyń mańyndaǵy aýyldardyń turǵyndaryna Jaıyq ózeninde muz qatqanyn habarlaımyz. Tabıǵattaǵy bul qubylystyń saldarynan ózennen sý soratyn qondyrǵylardyń jumysy toqtap qaldy. Qazir «Atyraý oblysy Sý Arnasy» KMK qyzmetkerleri qaladaǵy sý tartý qondyrǵylaryn iske qosý úshin barlyq qajetti is-sharany atqarýdy qolǵa aldy. Sý sorý stansalaryndaǵy qondyrǵylar muzdan tazartylǵan soń sý shtattyq rejımde berile bastaıdy» dep habarlady kásiporynnyń baspasóz qyzmeti.

Eske sala ketelik, budan buryn Atyraý mańyndaǵy birneshe eldi meken turǵyndary sýsyz otyrǵanyn jazǵan bolatynbyz.