Jaıyq ózeninde eki qaıyq soqtyǵysyp, bir adam mert boldy

<p><span style="font-family: sans-serif; font-size: 18px;">Atyraýda Jaıyq ózeniniń ústinde eki qaıyq soqtyǵysyp, bir adam mert boldy. Taǵy bireýi aýyr jaraqatpen aýrýhanaǵa jetkizildi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</span></p>

Atyraý oblystyq polıtsııa departamenti baspasóz qyzmetiniń aqparatyna qaraǵanda, oqıǵa búgin, 20 qyrkúıek saǵat 07:00 shamasynda bolǵan.

«Atyraý qalasyna qarasty Damby aýylynyń tusynda Jaıyq ózeninde eki qaıyq soqtyǵysty. Sonyń saldarynan 50 jastaǵy er adam aýyr jaraqatpen oblystyq aýrýhanaǵa jetkizildi. Al, 1974 jylǵy er adam oqıǵa ornynda qaıtys boldy. Eki qaıyqty júrgizgen 1992 jáne 1988 jylǵy azamattarda sý kóligin basqarýǵa ruqsat qaǵazy bar bolyp shyqty», -dep habarlady departamenttiń baspasóz qyzmetinen.

Qazir polıtsııa qyzmetkerleri atalǵan derek boıynsha tergeý amaldaryn júrgizilip jatyr.

Eske sala ketelik, budan buryn Jaıyq ózeninde eki kater soqtyǵysyp, 9 adam aýrýhanaǵa túskenin jazǵan bolatynbyz.

Atalǵan qaıyqtar adamdardy serýendetý qyzmetine paıdalanylǵan. Sý kóliginiń birinde 10 adam, al ekinshi qaıyqta 25 adam bolǵan. Oqıǵa saldarynan túrli dene jaraqatyn alǵan 9 adam aýrýhanaǵa jetkizildi.

Zardap shekkenderdiń arasynda 5 eresek adam bar. Al kámeletke tolmaǵan 4 bala oblystyq balalar aýrýhanasyna túsken. Onyń ishinde 6 jasar bala jansaqtaý bóliminde jatyr.

Keıin katerler soqtyǵysynan zardap shekken 6 jasar balanyń jaǵdaıy aýyr ekenin habarlaǵan edik.