ASTANA. KAZINFORM — Oraldyń «Jaıyq» klýby Maldıv araldarynyń astanasy Male qalasynda voleıboldan ótip jatqan Ortalyq Azııa chempıondar lıgasynda úshinshi oıynyn ótkizdi.
Qazaqstandyq maman Vıktor Kozıktiń shákirtteri bul joly jergilikti «HDC» (Maldıv) klýbymen sheberlik baıqasty.
Qazaqstan chempıony match taǵdyryn úsh partııada sheshe bildi – 3:0. Osylaısha, Ortalyq Azııa chempıonatynda jeńilissiz kele jatqan batysqazaqstandyq klýb 21 shilde kúni «Help SC» (Nepal) komandasymen kezdesedi. Sodan keıin «Bishkek» (Qyrǵyzstan) klýbymen oınaıdy. 23 shilde kúni qorytyndy matchtar ótedi.
Eske sala keteıik, budan buryn voleıboldan Ortalyq Azııa chempıonatynda «Jaıyqtyń» jergilikti komandany jeńgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).