Jaıyq-Kaspıı kanalyn tereńdetý jumystary bastalady

<p>Keler jyly Jaıyq-Kaspıı kanalyn tereńdetýge qatysty aýqymdy jumys bastalady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Búgin Májilistiń jalpy otyrysynda depýtat Dúısenbaı Turǵanov elimizdegi transshekaralyq ózenderdiń edáýir taıazdyǵyna baılanysty keme qatynasynda biraz qıyndyqtar bolǵanyn aıtty.

«Jaıyq ózeninde de osyndaı problema bar. Sýdyń deńgeıi tómendegendikten, Jaıyq-Kaspıı kanalyndaǵy tereńdik 30-40 sm shamasynda. Sonyń saldarynan kanal arqyly júk tasymaly shektelgen. Ásirese, balyqshylar zardap shegip jatyr. Bul rette, Jaıyq-Kaspıı kanalyn tereńdetý men túbin tazartý jumystary qandaı kezeńde?», - dep surady D. Turǵanov.

Óz kezeginde Kólik mınıstri Marat Qarabaev Jaıyq-Kaspıı kanalyn tereńdetý jumystaryna qarajat bólýdi Parlament qoldaǵanyn eske saldy.

«2024-2025 jyldarǵa arnalǵan bıýdjette 12 mlrd teńge qarajat qarastyrylǵan. Ondaǵy jumys keler jyly bastalady. Biz ol jaqta 1 mln 140 myń tekshe metr qumdy shyǵaryp, sol arnanyń tereńdigin 2,5 metrge jetkizemiz. Bul jumys 2025 jyly aıaqtalady jáne sol jyly osy arna Transkaspıı halyqaralyq kólik dálizine qosylady», - dedi mınıstr.

M.Qarabaevtyń sózine qaraǵanda, bul joba KPI jáne TShO sııaqty kompanııalardyń eksporttyq múmkindikterin keńeıtedi. Tasymaldyń boljamdy kólemi shamamen 1 mln tonna bolmaq. Keleshekte keme júrý parametrlerin tıisti deńgeıde ustaý úshin tereńdetkish tehnıka satyp alý josparlanyp otyr.