Jaıyq-Kaspıı basseıni aýmaǵynda «Bekire» aktsııasy ótip jatyr

<p>Aýyl sharýashylyǵy mınıstrligi balyq sharýashylyǵy komıtetiniń, ІІM jáne UQK shekara qyzmetiniń qatysýymen Jaıyq-Kaspıı basseıni aýmaǵynda "Bekire" aktsııasy ótkizilip jatyr.</p>

Sharaǵa Atyraý, Mańǵystaý, Batys Qazaqstan oblystary polıtsııa departamentteri men batys óńirlik kólik polıtsııasynyń 300-ge jýyq qyzmetkeri jáne 28 tehnıkasy, onyń ishinde bes júzý quraly, sondaı-aq Ulttyq ulannyń áskerı qyzmetshileri jumyldyryldy.

Aktsııanyń maqsaty — brakonerlik jáne balyq ónimderiniń zańsyz aınalymy faktilerin anyqtap, jolyn kesý.

— 10 kún ishinde 72 quqyq buzýshylyq anyqtaldy, onyń ishinde 10 zańsyz óndirý faktisi, eki satyp alý nemese ótkizý fakisi, bir balyq jáne balyq ónimderin tasymaldaý faktisi bar.

— 12 qylmystyq is qozǵaldy. 60 ákimshilik quqyq buzýshylyq anyqtalyp, eki mln teńgeden astam somaǵa aıyppul óndirildi. 

«Quqyq buzýshylardan 1,5 tonnaǵa jýyq balyq, onyń ishinde 48 kg bekire balyǵy jáne 3,5 kg ýyldyryq tárkilendi. Mysaly, Aqtaýda avtokólik toqtatylyp, salonnan eki plastık shelekte tıisti qujattary joq, salmaǵy bir kılogramm bekire tuqymdas balyqtyń ýyldyryǵy tabyldy.

Odan bólek, Kaspıı teńiziniń jaǵasynda motorly qaıyqtan toǵyz dana kókserke balyǵy jáne eki dana bekire balyǵy tabylyp, tárkilendi. Bul baǵytta jumys jalǵasýda», — dedi ІІM ÁPK erekshe tapsyrmalar jónindegi aǵa ınspektory Tóleýbaı Muhamadıev.