Jaı túsip, 500-den astam qoı qyrylyp qaldy

NUR-SULTAN. QazAqparat -Ońtústik Grýzııada naızaǵaı soǵyp, Abýl taýynda jaıylǵan 550 -den astam qoıdy óltirdi. Bul týraly QazAqparat Sputnik Grýzııa saıtyna silteme jasap habarlaıdy.

Oqys oqıǵadan keıin qalalyq ákimdikte qoılardyń jappaı qyrylýy máselesin zertteıtin arnaıy top quryldy.

«Shynymdy aıtsam, mundaı jaǵdaı birinshi ret bolyp otyr. Naızaǵaıdyń osynshama qoıdy jaıratqany týraly buǵan deıin estigen joqpyz. Árıne, merııa qoldaý kórsetedi, biraq aldymen fermerdiń ózi jappaı ólimniń sebebin dál anyqtaý úshin mamandardyń qorytyndysyn ákelýi kerek», - deıdi Nınotsmında meriniń orynbasary Aleksandr Mıkeladze.

Sondaı-aq ol 150-ge jýyq qoıdyń Tambovka aýylynyń jergilikti turǵynyna, qalǵany basqa mýnıtsıpalıtettiń fermerine tıesili ekenin aıtty. Jaıylym aýyldan birneshe shaqyrym jerde ornalasqan.

Qoıdyń ólekseleri birden sol jerde órteledi, óıtkeni taýdan olardy túsirý múmkin emes. Kólik mundaı bıiktikke kóterile almaıdy.