Jaýyn-shashyn, jel: Qazgıdromet 25 sáýirge arnalǵan aýa raıy boljamyn usyndy

<p>«Qazgıdromet» RMK el aýmaǵynda 25 sáýirde bolatyn qaýipti meteorologııalyq qubylystarǵa boljam jasady.</p>

Sınoptıkterdiń málimetinshe, Qazaqstan aýmaǵynyń basym bóligine ońtústik tsıklon jáne onymen baılanysty atmosferalyq frontaldy bólimder áser etetin bolady. 

«Naızaǵaı oınap, jańbyr jaýady, túnde jáne tańerteń Shyǵys Qazaqstan oblysynda jaýyn-shashyn (jańbyr, qar), ońtústikte, ońtústik-shyǵysta, qatty jańbyr men burshaq jaýady. Almaty oblysynyń taýly aýdandarynda jaýyn-shashyn (jańbyr, sý qar), respýblıka boıynsha jel kúsheıedi, ońtústikte, ońtústik-shyǵysta qatty jel soǵady. Eldiń batysynda, soltústiginde ǵana jaýyn-shashynsyz aýa raıy saqtalady», — delingen vedomstvodan.

Qyzylorda oblysynyń ortalyǵynda jáne Qyzylorda qalasynda, Mańǵystaý oblysynyń soltústik-shyǵysynda, ortalyǵynda joǵary órt qaýipi kútiledi.