«Jaýhar jyrdyń tájin kıgen Nızamı»: Ázerbaıjan gazetinde Darhan Qydyráliniń maqalasy jaryq kórdi

NUR-SULTAN. QazAqparat - Ázerbaıjannyń «Respublika» resmı gazetinde Halyqaralyq Túrki akademııasynyń basshysy Darhan Qydyráliniń «Jaýhar jyrdyń tájin kıgen Nızamı» atty maqalasy ázerbaıjan tilinde jaryq kórdi, dep habarlaıdy QazAqparat.

Maqalada avtor ázerbaıjan halqynyń dúldúl aqyny, uly oıshyl Nızamı Gánjaýıdiń rýhanı muralasynyń túrki áleminde alatyn orny týraly baıandaıdy. Sonymen qatar, onyń shyǵarmalaryn qazaq poezııasy klassıkteriniń týyndylaryndaǵy oı-paıymdarmen sabaqtastyra zerdeleıdi.

Aıta ketý kerek, Ázerbaıjan Respýblıkasynyń Prezıdenti Ilham Álıevtiń 2021 jyldy álem ádebıetiniń kórnekti ókili Nızamı Gánjaýıdiń 880 jyldyq mereıtoıyna oraı «Nızamı Gánjaýı jyly» dep jarııalady. Osyǵan oraı, Halyqaralyq Túrki akademıııasy Nızamı Gánjaýı jyly aıasynda halyqaralyq deńgeıdegi mańyzdy is-sharalar uıymdastyryp, aqynnyń shyǵarmalaryn jaryqqa shyǵarýdy josparlap otyr.

Maqalanyń tolyq mátinin myna jerden oqýǵa bolady.