Jaýap alatyn adam joq: Natalıa Godýnova «Qazsýshardyń» qarjylyq jaǵdaıyna qatysty

<p>Májiliste sý resýrstarynyń basqarylý tıimdiligine júrgizilgen aýdıtorlyq is-sharalardyń qorytyndysyn talqylaý kezinde Joǵary aýdıtorlyq palatanyń tóraıymy Natalıa Godýnova &laquo;Qazsýshar&raquo; mekemesinde basshy jı aýysatynyn synady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Shynymen de, «Qazsýshardyń» jaǵdaıy standarttan tys bolyp tur. Taza qarjylyq formýlalar boıynsha eseptesek, kompanııanyń qarjylyq ornyqtylyǵy 98 paıyz dep shyǵady. Sonyń ózinde kásiporynnyń búkil tabysynyń 48 paıyzy respýblıkalyq bıýdjetten túsedi.

Tek 52 paıyzy ǵana tutynýshylarǵa sý berýdiń aqysynan kiredi. ıAǵnı, mekemeniń qarjylyq ornyqtylyǵy aldamshy. Óıtkeni kórsetkishter kásiporyn shotyndaǵy qolma-qol qarjy qaldyqtary esebinen týyndap otyr. 2023 jylǵy 1 maýsymda júrgizilgen aýdıt sátinde shotta qalǵan qolma-qol qarjy 18,9 mlrd teńge nemese búkil aqshalaı qarjynyń 57 paıyzy bolǵan. Bul qarajat 2018 jyldan beri jınaqtalyp otyrǵan», - dedi Joǵary aýdıtorlyq palata basshysy.

Onyń sózinshe, palata 5 jyldyń ishinde sý resýrstary salasyna 3 aýdıt júrgizgen.

«Sol kezde uıymdastyrý máselesi bar ekenin kórdik. Ár aýdıt saıyn kimnen jaýap alarymyzdy bilmeımiz. Óıtkeni Joǵarý aýdıtorlyq palatanyń ár otyrysyna «Qazsýshar» men Sý resýrstary komıtetinen túrli basshy kelip turady. Jaýap alatyn adam joq. Mine, sondyqtan «kásiporynnyń qarjylyq jaǵdaıy ornyqsyz» dep qorytyndy jasaýǵa bolady. Uıymǵa qarjylyq turaqtylyq jaǵynan da, uıymdastyrý jaǵynan da keshendi sharalar qoldaný qajet. Syn-qaterlerin tarqatyp aıta alamyn. Biraq ol aýdıt qorytyndysynda kórsetilgen», - dedi Natalıa Godýnova.