Jataqhanadan shyǵatyn órtter 36% azaıdy – mınıstr

<p>Úkimet otyrysynda baıandama jasaǵan Tótenshe jaǵdaılar mınıstri Syrym Sháriphanov &laquo;Jataqhana&raquo; profılaktıkalyq aktsııasynyń nátıjesin jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«Ótken jyly jappaı túsindirý jumystaryn júrgizýge jáne zańsyz jumys isteıtin jataqhanalardy anyqtaýǵa baǵyttalǵan «Jataqhana» órt qaýipsizdigi aktsııasy oń nátıjesin berdi. Reıdtik is-sharalarmen 1,5 myńǵa jýyq jataqhana qamtyldy. 700 jataqhanada 3 myńnan astam órt qaýipsizdigi talaptaryn buzýshylyq anyqtaldy. Bul jumystyń tıimdiligi jataqhanadaǵy órtterdiń, zardap shekkenderdiń jáne adamdardyń óliminiń azaıýymen rastalady. Mysaly, ótken jylmen salystyrǵanda órtter 36 paıyzǵa, zardap shekkender 2,5 esege, qaza tapqandar 6 esege qysqardy. Bıylǵy naýqan qarasha aıyna josparlanǵan», - dedi Syrym Sháriphanov.

Sonymen birge ol jyl basynan beri turǵyn úı sektorynda bolǵan órtten 203 adam qaza tapqanyn aıtty.