Jataqhana qurylysynda jeke sektor qandaı mindetterdi oryndaýy tıis

NUR-SULTAN. QazAqparat – QR Bilim jáne ǵylym mınıstrligi «Qarjy ortalyǵy» AQ basqarma tóraǵasy Asqar Ibraımov stýdentterge arnalǵan jataqhana qurylysynda jekemenshik sektordyń qatysýyn kózdeıtin memlekettik tapsyrysty ornalastyrý tetigi týraly túsinik berdi, dep habarlaıdy QazAqparat tilshisi.

«Tetiktiń tujyrymdamasy memleket pen jekemenshik sektordyń áriptestigine negizdeledi. Investor, oqý orny nemese kásipker turǵysyndaǵy jeke qurylys salýshy óz qarajaty esebinen nysandy paıdalanýǵa berýdi júzege asyrady. Obekti sátti paıdalanýǵa engizilgen jaǵdaıda, memleket onda maqsatty memlekettik tapsyrysty ornalastyrady. Osy jerde úsh mańyzdy parametrdi atap ótý qajet. Birinshi – ornalastyrý prıntsıpi. Memlekettik tapsyrysty ornalastyrýdyń basty talaby - stýdenttiń jataqhanada turýy. ıAǵnı munda jan basyna shaqqandaǵy qarjylandyrý prıntsıpi jumys isteıdi. Memlekettik tapsyrys memlekettik mekemelerdi qospaǵanda, qurylys salý nemese rekonstrýktsııa jasaý jolymen jańa jataqhanalardy engizýdi júzege asyratyn barlyq uıymdarda ornalastyrylady», - dep túsindirdi A. Ibraımov Ortalyq kommýnıkatsııalar qyzmetinde.

Ekinshiden, ornalastyrý merzimi eskeriledi. Memlekettik tapsyrys aı saıynǵy tólem negizinde 8 jylǵa ornalastyrylady. Demalys kezeńinde sońǵy oqý aıynda turǵan stýdentterdiń sany eskeriledi.

Úshinshisi – ol tólemder mólsheri. Bir stýdentke memlekettik tapsyrystyń jyl saıynǵy mólsheri: qurylys salynǵan jaǵdaıda – 122 AEK (Almaty qalasynda – 144 AEK), rekonstrýktsııa jasalǵan jaǵdaıda – 47 AEK (Almaty jáne Nur-Sultan qalalaryndy – 92 AEK). Bul rette alǵashqy 12 aıda memlekettik tapsyrys ekige teń bolyp keletin túzetý koeffıtsıenti eskerile otyryp tólenedi. Mysaly, is júzinde 100 adam turatyn bolsa, tólemder 200 adamǵa tólenedi, biraq jataqhananyń jobalyq qýatynan asyrylmaıdy.

«Jalpy, osy maqsattar úshin respýblıkalyq bıýdjette 152 mlrd teńge kózdelgen jáne eń mańyzdysy, bul qarajat sekvestrleýge jatpaıdy. Memleketten tólemder merzimi aıaqtalǵannan keıin, nysan qurylys salýshynyń menshiginde qalady. Jalǵyz shart retinde 20 jyl merzimge nysannyń maqsatyn ózgertpeý týraly mindetteme rásimdeledi», - dedi ortalyq basshysy.

Onyń sózine qaraǵanda, iske asyrylyp jatqan jobalar aıasynda memlekettik tapsyrysty ornalastyrýmen qatar, kásipkerde qosymsha tabys kózderi bolady. Óıtkeni, stýdentterdiń aı saıynǵy turý aqysy memlekettik tapsyrystyń qunyna kirmeıdi. Onyń mólsherin jataqhana ıesi retteıdi jáne naqty óńirdegi turǵyn úı naryǵynyń jaǵdaıymen anyqtalady.

Sondaı-aq nysan ıesi turmystyq qyzmet kórsetý úshin kommertsııalyq alańdar (ashana, shashtaraz, jattyǵý zaly jáne t.b.) jasaı alady.

Budan buryn habarlanǵandaı, Asqar Ibraımov qazirgi kezde 63 myńǵa jýyq stýdent jataqhanadaǵy orynǵa muqtaj ekenin aıtty.