Jat aǵymnyń jeteginde ketken áıel Elbasyna muńyn shaqty

ASTANA. QazAqparat - Búgin Qazaqstan halqy Assambleıasynyń XXV sessııasy barysynda tórt balanyń anasy - Ásel Bazarbaeva dástúrli emes dinı aǵymnyń jeteginde qalaı ketkenin Memleket basshysy Nursultan Nazarbaevqa aıtyp berdi, dep habarlaıdy QazAqparat tilshisi. 

«Qazir sol kezdi eske alsam, janym túrshigedi. Din arqyly ondaı manıpýlıatsııany jasaýǵa bolatynyn oılaǵan da joqpyn. Men adamnyń oıyna kirmeıtin nárseden óttim. Kemsitý, jábirleý, moraldy turǵyda qysym kórsetý - bári-bári boldy. Alaıda men úshin eń asyl adamdar - ata-analardan bas tartýyń kereksiń dep aıtqanda ol senimniń din emes ekenin túsindim. Sol tyǵyryqtan shyǵýǵa batylym jetti», - dedi Ásel Bazarbaeva.

Osy kezde ol shydaı almaı, jylap jiberdi. Alaıda oıyn jınaqtap, naqty usynystaryn jetkizdi.

Onyń aıtýynsha, qazirgi kezde dinı ekstremızmniń qurbanyna aınalǵan azamattarǵa kómek kórsetip otyrǵan jón.

«Búginde men osy jumyspen de aınalysamyn. Destrýktıvti ıdeıalardan zardap shekken áıelderge moraldyq jaǵynan kómek kórsetemin. Ondaı adamdar az emes. Men dinı aǵymdardyń jeteginde ketken júzdegen adamdy bilemin. Alaıda olardyń biren-sarańy ǵana sol tyǵyryqtan shyǵýǵa nıet bildiredi. Bizde «árbir qazaq - jalǵyzym» degen sóz bar. Olarǵa da jalǵyzym dep qaraıyq. Ortamyzǵa qaıtýǵa kómekteseıik. Ol úshin arnaıy ońaltý ortalyqtaryn kóptep ashý qajet», - dep atap kórsetti Bazarbaeva.

Prezıdent bul bastamany qoldady.

«Ondaı ortalyqtar kóp bolýy kerek. Ár óńirde qoldaý qajet. Ákimder, mınıstrlikter óz kómekterin berýi tıis», - dedi Nazarbaev.
Aıta keteıik, sessııanyń basynda Memleket basshysy Nursultan Nazarbaev Assambleıa múshelerinebir syryn aıtyp berdi.

Budan bólek, Prezıdent memlekettiń damýyna kedergi jasaıtyn máseleler tóńireginde oı órbitti .

Nursultan Nazarbaevtyń aıtýynsha, búginde ata-babalarymyz sııaqty pragmatık bolý qajet.

Prezıdent aıtysqa qatystyóz oıyn da bildirdi.