Jasyryn kamera, shaǵyn qulaqqap, shokolad oramasyndaǵy smartfon: UBT tapsyrýshylardyń qýlyǵy

NUR-SULTAN. QazAqparat – QR Bilim jáne ǵylym vıtse-mınıstri Qýanysh Erǵalıev UBT barysyndaǵy akademııalyq adaldyqty buzý faktilerin atady, dep habarlaıdy QazAqparat tilshisi.

«Testileý barysynda birqatar akademııalyq adaldyqty buzý faktileri bolǵan. Atap óter bolsaq, talapkerlerdiń jasyryn kameralarmen kelýi, shaǵyn qulaqqaptardy qoldanýy, 45 ólshemdi krossovka kıip, ultaraqtyń ornyna smartfon salý, medıtsınalyq maskalardyń ishki jaǵyna qajetti jazbalar jazý jáne taǵy basqa da ádiletsizdikterge barý oryn aldy», - dedi ol mınıstrliktiń apparat jınalysynda.

Osy oraıda vıtse-mınıstr talapkerlerdiń únemi jasaıtyn ádetteriniń biri juqa smarftondy shokolad oramasyna orap alyp kirýge tyrysý ekendigin aıtady.

«UBT-ǵa múmkindigi shekteýli 90 bala qatysty. Olar úshin jeke aýdıtorııalar men kómekshiler usynyldy. 9 túsýshiniń dene qyzýy kóterilip, olar tolyqtaı saýyqqannan keıin testileýdi basqa kúnderi qaıta tapsyrdy», - Qýanysh Erǵalıev.