«Jasyl elde» jumys isteıtin almatylyq oqýshylar qansha eńbekaqy alady
Spıkerdiń aıtýynsha, joba aıasynda ár balaǵa 70 myń teńge tólenedi, bir aılyq jumysy úshin jasaq jumysshylary qolyna taza 54 myń teńge alady. «Jasyldar» jasaǵyndaǵylar tolyq jumys kúni kestesimen istemeıdi, bastysy bes kúndik jumys aptasynda 40 saǵat jumys istese jetkilikti.
«Jumysqa turý úshin kámelet jasyna tolmaǵan jasóspirimge ata-anasynyń ruqsaty kerek, árbir «jasyl el» qataryna qabyldanýshymen jasaqta jumys isteý merzimine eńbek kelisimsharty jasalady (maýsymnan tamyzǵa deıin isteýge bolady). Jumysqa turý úshin qajetti qujattar tizimi kóp emes – jeke basty rastaıtyn kýálik jáne eńbekaqy túsip turatyn «Qazposhtanyń» shoty qajet», - dedi spıker óńirlik kommýnıkatsııalar qyzmetiniń alańynda ótken baspasóz máslıhatynda.
Jumys orny, jumys kestesi, merzimi, jumys sharttaryn +7 708 928 50 72 telefon nómiri arqyly bilip, keńes alýǵa bolady.