Jasyl el jobasy: Almatyda jaz aılarynda 2 myńnan astam jas jumysqa ornalasady

ALMATY. QazAqparat – Megapolıstiń «Jasyl el» jasaǵy qataryndaǵy belsendiler sany jyl saıyn artyp keledi. Byltyr ýaqytsha maýsymdyq jumyspen 14 pen 35 jas aralyǵyndaǵy 1 900 jas qamtyldy. Bul týraly «Jasyl el» jobasynyń jetekshisi Zýhra Imanbaeva aıtty, dep habarlaıdy QazAqparat tilshisi.

Spıkerdiń sózinshe, «Jasyl el» – mektep oqýshylary, stýdent jáne jumyssyz jastardy maýsymdyq jumysqa ornalastyrýǵa, respýblıka boıynsha orman alqaptaryn qurýǵa, sol arqyly Qazaqstannyń ekologııalyq jaǵdaıyn jaqsartýǵa baǵyttalǵan joba. Ol Almaty qalalyq Jastar saıasaty máseleleri basqarmasynyń qoldaýymen júzege asyrylady.

«Almaty qalasyn 2025 jylǵa deıin damytý baǵdarlamasy jáne 2030 jylǵa deıingi orta merzimdi perspektıvalar» bekitildi. Onyń basty kórsetkishteriniń biri – jyl saıyn keminde 10 000 jasty jumyspen qamtý kózdelgen», - dedi Zýhra Imanbaeva óńirlik kommýnıkatsııalar qyzmetiniń alańynda.

«Jasyl el» jobasynyń ekosaqshysy Murathan Taýasardyń aıtýynsha, «Jasyl el» jasaǵyndaǵylar qalany kógaldandyrýdan bólek, ekologııalyq semınarlar men trenıngterge, qalalyq jáne respýblıkalyq senbilikter men balalar úıi, qarttar úıi, ardagerler úılerindegi eko aktsııalarǵa belsendi qatysady.

«Jobanyń oǵan qatysýshylar úshin berer artyqshylyqtary mol. Jastar bir-birimen tanysyp, qalanyń damýyna úlesterin qosady», - dep atap ótti spıker.

Sonymen qatar, jasaqta eko patrýlder qurylady, olar qala aýmaǵynda reıdter júrgizip, ekologııalyq zańbuzýshylyq faktilerin anyqtaıdy.

Bıyl «Jasyl el» jobasy boıynsha 2 myńnan astam jas jumysqa ornalasady.