«Jasyl el» baǵdarlamasyna kreatıvti baǵyt qajet – Atyraý oblysy ákiminiń orynbasary
Atyraý oblysy ákiminiń orynbasary Jasulan Bısembıevtiń aıtýynsha, kez-kelgen joba naqty bir máseleni oń sheshýge baǵyttalýy kerek. Máselen, nashaqorlyq, lýdamanııa, ekologııa, ásirese, «Tıimsiz tutyný» máselesin sheshý úshin jańa jobalar usynǵan jón.
«Al, «Jasyl el» baǵdarlamasyn transformatsııalap, tek «kóshet egý» uǵymymen shektelmeı, kreatıvti baǵyttardy ashýǵa tıispiz. Jastardy arheologııalyq, pedagogıkalyq, qurylys salalaryna tartyp, jazǵy lagerler aıasynda jumys isteýin uıymdastyrý qajet», -deıdi Jasulan Bısembıev.
Oblystyq ishki saıasat basqarmasy basshysynyń orynbasary Áıgerim Dosqalıevanyń málimetinshe, «Jasyl el» jastar eńbek jasaǵyna jastar ýaqytsha jumysqa ornalasady. Aldaǵy jyly atalǵan jobaǵa oblystyq bıýdjetten 150 mln teńge bólý josparlanǵan.
«Bul jobanyń maqsaty – jastardy eńbek jasaqtarynyń maýsymdyq jumystaryna tartyp, bos ýaqytyn tıimdi ótkizý, olardyń arasynda ekologııalyq mádenıetti qalyptastyrý. Kelesi bul jumystardy iske asyrý úshin 150 mln teńge bólinedi. Al, talantty jastardy qoldaý, «Kóńildi tapqyrlar klýby» qozǵalysyn damytýǵa 15 mln teńge bólý josparlanyp otyr», - dep habarlady Áıgerim Dosqalıeva.
Oblystyq mádenıet, tilderdi damytý jáne arhıv isi basqarmasynyń basshysy Ábil Jolamanovtyń aıtýynsha, balalar ádebıetin damytý, jas býynnyń qyzyǵýshylyǵyn oıatý máselesine den qajet. Osy oraıda «Ertegi – danalyq aınasy» atty respýblıkalyq ertegi baıqaýyn uıymdastyrýǵa 14 mln teńge bólý qarastyrylǵan.
Eske sala ketelik, Atyraý ákimi eskertkish mańynda kógershinderge nan qaldyǵyn shashpaýdy usynǵanyn jazǵan edik.