«Jasyl» aımaqtaǵy Mańǵystaý oblysynda karantın jeńildetildi

AQTAÝ. QazAqparat – Búgin Mańǵystaý oblysynyń aýmaǵynda karantındik shekteý sharalaryn jeńildetý týraly óńirdiń bas memlekettik sanıtarııalyq dárigeri Ǵazız Nadýevtiń jańa qaýlysy shyqty, dep habarlaıdy QazAqparat tilshisi.

Mańǵystaý oblysy koronavırýs ahýalyn baǵalaý matrıtsasynda «jasyl» aımaqta ornalasýyna baılanysty óńirde karantındik shekteýler jeńildetildi.

Oblysta kúsheıtilgen sanıtarııalyq-dezınfektsııalyq rejımdi saqtaı otyryp, azyq-túlik jáne azyq-túlik emes ashyq jáne jabyq bazarlardyń, sýpermarketterdiń, gıpermarketterdiń qyzmetine ruqsat etildi.

Sondaı-aq, sanıtarlyq normalardy saqtaı otyryp, saýda jáne oıyn-saýyq ortalyqtarynyń, saýda úıleriniń, saýda jelileriniń, sport keshenderiniń, sporttyq-saýyqtyrý ortalyqtary men fıtnes ortalyqtarynyń, monsha, ıoga-ortalyqtarynyń jumysy jandandy.

Memlekettik organdar (uıymdar), ulttyq kompanııalar, bıznes-ortalyqtar jáne basqa da ofıster qyzmetkerleriniń 30% qashyqtyqtan jumys rejımine jáne 70% kúndizgi jumys rejımine aýysady.

Balalardyń oıyn-saýyq ortalyqtaryna (oıyn alańdary, ashyq jáne jabyq úı-jaılardaǵy attraktsıondar) syıymdylyqty 30% asyrmaı jumys isteýge ruqsat.

Al, meıramhana, dámhana jáne kofehana tıpi boıynsha qoǵamdyq tamaqtaný obektileri syıymdylyqty 50%, biraq 50 orynnan asyrmaı saǵat 07:00-den 02:00-ge deıin kúsheıtilgen sanıtarııalyq-dezınfektsııalyq rejımdi saqtaı otyryp jumys isteı alady.

Qaýly 2021 jylǵy 17 mamyr, saǵat 00:00-den bastap kúshine enedi.