Jasyl aımaqtaǵy Atyraý oblysynda vırýs juqtyrǵan 20 naýqastyń jaǵdaıy aýyr

ATYRAÝ. QazAqparat – «Jasyl» aımaqtaǵy Atyraý oblysynda 20 naýqastyń jaǵdaıy aýyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ınfektsııalyq statsıonarlarda qaýipti vırýsty juqtyrǵan 136 naýqas emdelip jatyr.

«Óńirdegi 580 oryndyq ınfektsııalyq statsıonarlardaǵy júkteme 23,4%-dy qurap otyr. Statsıonarlardyń 58 tósek-orynǵa eseptelgen jansaqtaý bólimshelerinde jaǵdaıy aýyr 20 naýqas oqshaýlanǵan. Onyń ishinde jaǵdaıy óte aýyr 6 patsıent ókpeni jasandy jeldetý apparatyna qosylǵan. Bul bólimshelerdegi júkteme – 34,5%» -dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda koronavırýstan 2 naýqas qaıtys bolǵanyn habarlaǵan edik.