«Jasyl» aımaqtaǵy Atyraý oblysynda 16 naýqas jansaqtaý bóliminde jatyr
Oblystyq Densaýlyq saqtaý basqarmasynyń baspasóz qyzmetinen málim etkendeı, koronavırýs ınfektsııasyn juqtyrǵan 193 adam oqshaýlanǵan.
«Atyraý oblysynda ótken táýlikte qaýipti vırýsqa 6 adam shaldyqqany anyqtaldy. Atyraý qalasynda koronavırýs ınfektsııasyn juqtyrýdyń 2 jaǵdaıy rastaldy. Inder aýdanynda – 1, Isataıda – 1, Qurmanǵazy aýdanynda 2 naýqas tirkeldi. Qazir 99 adam úı jaǵdaıynda, 94 naýqas ınfektsııalyq statsıonarlarda emdelip jatyr. Onyń ishinde modýldik aýrýhanada – 62, aýdandardaǵy ınfektsııalyq statsıonarlarda – 21, Jylyoı aýdanynda ornalasqan Teńiz ken ornyndaǵy statsıonarda 13 naýqas hattamaǵa sáıkes em-dom qabyldaý úshin oqshaýlandy», - dep málim etti basqarmanyń baspasóz qyzmetinen.
Óńirdegi 580 tósek-orny bar ınfektsııalyq statsıonarlardaǵy júkteme – 16,5%. Statsıonarlardyń 58 orynǵa arnalǵan jansaqataý bólimderinde jaǵdaıy aýyr 16 naýqas jatyr. Onyń ishinde jaǵdaıy óte aýyr 4 patsıent ókpeni jasandy jeldetý apparatyna qosylǵan. Qazir bul bólimdegi júkteme 27,6% qurap otyr.
Eske sala ketelik, budan buryn Atyraý oblysynda 227 adam koronavırýspen aýyryp jatqanyn habarlaǵan edik.