Jasy 14-ten asqan velosıpedshiler avtobýs jolaǵymen júre alady

ASTANA. QazAqparat - Jol qozǵalysy erejesine velosıpedshilerge qatysty ózgerister engizildi,  dep habarlaıdy QR ІІM baspasóz qyzmeti.

QR Іshki ister mınıstriniń orynbasary Erlan Turǵymbaevtyń aıtýynsha, jol qozǵalysy erejesinde buryn bolmaǵan «velosıpedshi», «velosıped joly», «velosıpedke arnalǵan jolaq» degen sózder engizilgen, sondaı-aq «moped», «jol jıegi» degen sózderdiń túsinigi barynsha keńeıtilgen.

 Velosıped joly jáne velosıped jolaǵy boıynsha velosıped júrgizýshilerine jas erekshelikterine qaramastan qozǵalys ruqsat etilgen, sonymen birge bul joldarmen moped júrgizýshilerine de júrýge bolady.

 Velosıped joly men velosıped jolaǵy joq jerlerde moped pen velosıped júrgizýshileri (14 jastan joǵary) joldyń oń jaq bóliginiń shetimen qozǵalýyna bolady, sondaı-aq olarǵa marshrýttyq kólik quraldaryna arnalǵan jolaqpen qozǵalýǵa da ruqsat etilgen.

 Barlyq velosıpedshiler, sonyń ishinde jasy 14 jastan tómen balalar velosıped joly men jolaǵy joq jerlerde jol jıegimen, trotýrar nemese jaıaý júrginshiler jolymen (jaıaý júrginshilerge qaýipsizdik týdyrmaıtyn jaǵdaıda) qozǵalýyna bolady. Basqa jaǵdaılarda velosıpedshi jaıaý júrginshi retinde velosıpedin jetektep júredi.