Jasuzaqov áriptesterimen zamanaýı qaýip-qaterlerge qarsy is-qımyl máselesin talqylady

ASTANA. QazAqparat - QR Qorǵanys mınıstrliginde QR Qarýly Kúshteri basshylyq quramynyń oqý-ádistemelik jıyndary sheńberinde «Sırııa, Irak jáne Aýǵanstandaǵy qarýly shıelenister: Qazaqstan Respýblıkasynyń Qarýly Kúshteri úshin sabaq jáne qorytyndy» taqyrybynda konferentsııa ótti, dep habarlady QazAqparatqa vedomstvonyń baspasóz qyzmetinen.

Konferentsııa barysynda jahandyq qaýip-qaterlerge qarsy is-áreket jasaý jáne zamanaýı «býdandyq» soǵys jaǵdaıynda jaýyngerlik is-qımyldardy júrgizý aspektileri boıynsha birqatar kókeıkesti máseleler talqylandy.
 

Sonymen birge, zańsyz qarýly quralymdar men úkimettik áskerlerdiń is-qımyl taktıkasy, avıatsııany qoldaný tájirıbesi, arnaıy operatsııalardy júrgizý ádisteri men mysal retinde Sırııa, Irak jáne Aýǵanstandaǵy qarýly janjaldardaǵy áskerı-saıası jaǵdaıǵa baǵa berý egjeı-tegjeıli qaraldy.
 

Qazaqstannyń qorǵanys vedomstvosy basshysy Sáken Jasuzaqov áskerı qaýipsizdikti qamtamasyz etý ásirese, halyqaralyq lańkestikke, separatızm men dinı ekstremızmge qarsy turýǵa qatysty máselelerde búgingi konferentsııanyń ótkizilý mańyzdylyǵyn atap ótti.