«Jasulandyqtardy» daıarlaý deńgeıi jyl saıyn ósip keledi - QR Qorǵanys mınıstrligi (FOTO)

ASTANA. QazAqparat - 2015-2016 oqý jylynyń sońynda Astana, Almaty, Qaraǵandy jáne Shymkent qalalaryndaǵy respýblıkalyq áskerı mektepter qorǵanys vedomstvosynyń ıeligine kóshkennen keıingi alǵashqy túlekterin shyǵarmaq, dep habarlady QR Qorǵanys mınıstrliginiń baspasóz qyzmetinen.

Jyl saıyn elimizdiń túkpir-túkpirinen «Jas ulan» respýblıkalyq mektepterine 70-ten bastap, 100 balaǵa deıin oqýǵa túsedi. Bolashaq ulandardy irikteý jyl saıyn tamyzdyń 15-i men 25-y aralyǵynda ótedi.
«Respýblıkalyq áskerı mektepterdiń Qorǵanys mınıstrliginiń qaramaǵyna kóshkennen bastap eleýli ózgerister boldy.
«Jas ulan» respýblıkalyq mektepteriniń qyzmeti tárbıelenýshilerdi irikteý sapasyn jaqsartý daıyndyǵyna baǵyttaldy. Aýqymdy yntymaqtastyq júrgizilýde jáne Nazarbaev zııatkerlik mektepterimen memorandýmdarǵa qol qoıyldy, sondaı-aq áskerı pánderdiń mańyzdylyǵy men qazirgi jyldyń kórsetkishteri arttyryldy. Osy jylǵy irikteý QR Qorǵanys mınıstriniń buıryǵymen bekitilgen jańa qaǵıdalar boıynsha júrgizildi. Óz kezeginde, mektep basshylary irikteý sapaly, balalar maqsat qoıyp kelýleri jáne jaqsy nátıjeler kútemiz degen sekildi baǵa beredi», - dedi basqarma basshysy QR QM Bilim jáne ǵylym departamenti bastyǵynyń orynbasary polkovnık Begim Nurmahanov.
Jasulandyqtardy daıarlaý deńgeıi jyl saıyn ósip kele jatyr.
Bilim berý protsesiniń praktıkalyq mańyzdylyǵy arttyryldy, tárbıelenýshilerdi zııatkerlik turǵyda damytýǵa erekshe kóńil bólinedi. Bıylǵy jyly Astanadaǵy Armııa generaly S. Nurmaǵambetov atyndaǵy «Jas ulan» mektebiniń qabyrǵasynan 75 ulan túlep shyǵady. «2015 jyldan bastap bizde mektepke qabyldaý erejeleri ózgerdi. Eger buryn emtıhan tapsyrsa, qazirgi kezde psıhologııalyq kásiptik testileý men dene daıarlyǵyn tapsyrady, medıtsınalyq kýálandyrýdan ótedi. Barlyq oqý-tárbıe protsesi balaǵa kishkentaı jasynan bastap óz Otanyna adal bolýǵa, ony súıýge jáne eliniń ultjandy patrıoty bolýyna baýlýǵa baǵyttalǵan. Kishkentaı kezden bastap kásibı baǵdar qalyptasady. Meıli, ushqysh, motoatqysh, desantshy, tankishi, ınjener, baılanysshy bolsyn, bul turǵyda biz jumys jasaımyz», - dedi S. Nurmaǵambetov atyndaǵy «Jas ulan» respýblıkalyq mektebiniń basshysy polkovnık Muhtar Maıkeev.
Búgingi tańda «Jas ulannyń» kóptegen túlekteri álem elderiniń joǵary áskerı oqý oryndaryna túsýde. Qazaqstan Respýblıkasynyń, Reseı Federatsııasy men ózge elderdiń Qarýly Kúshteri men basqa da áleýetti qurylymdarda qyzmet atqarýda. QR Qarýly Kúshteri áskerı bólimderiniń komandırleri bolyp tabylady. Joǵary ofıtserlik ataqtar men memlekettik marapattarǵa ıe.