Jastarymyzǵa teris yqpal etip, turaqtylyq pen tynyshtyqty buzatyn áreketterdiń aldyn alýymyz qajet - M. Sarybekov
Búgin Astanada «Birlik.kz» respýblıkalyq jastar forýmy barysynda QR Bilim jáne ǵylym vıtse-mınıstri Mahmetqalı Sarybekov osylaı atap kórsetti.
Onyń sózinshe, Qazaqstan úshin lańkestik aýyly alys bolyp kóringenimen, onyń qazir yqtımaldy qaýip ekendigin esten shyǵarmaǵan jón.
«Lańkestikke qarsy turý elimizdiń ulttyq qaýipsizdigin qamtamasyz etýdiń basty baǵyttarynyń biri bolyp tabylady. Biz zorlyq-zombylyqtyń qandaı túrine bolmasyn sizdermen birge qarsy turýymyz kerek», - dedi vıtse-mınıstr jastarǵa qaratyp aıtqan sózinde.
Onyń atap ótýinshe, Qazaqstan terrorızmge qarsy kúres týraly 13 halyqaralyq konventsııaǵa qosylyp, qol qoıdy.
«Biz ártúrli jat dinı aǵymdarmen lańkestik kórinisterge qarsy kúsh biriktire aldyq. Bizdiń búgingi forým da sol baǵytta uıymdastyrylyp otyr», - dedi M. Sarybekov.