Jastarymyzdyń sanasynda Qazaqstan - álem qaýymdastyǵy árqashan moıyndaǵan el
«Qazirgi ýaqytta Qazaqstannyń halyq sany 19 mıllıonnan astam adamdy quraıdy jáne qazaqstandyqtardyń jartysy táýelsiz elde týyp, búkil ómirin ótkizip jatyr. Olar táýeldilikte ómir súrýdiń ne ekenin bilmeıdi. Jas qazaqstandyqtyń ortasha kelbeti onyń adamdyq jáne azamattyq quqyqtarynyń myzǵymastyǵyna senimdiligimen sıpattalady. Qazaqstandyq qyzdar men uldar óz bolashaǵyn tańdaý quqyǵyna shekteýlerdiń bolýy degenniń ne ekenin bilmeıdi. Jas qazaqstandyqtar «temir tordyń» ne ekenin bilmeıdi. Jastarymyzdyń sanasynda Qazaqstan álem qaýymdastyǵy árqashan moıyndaǵan, qurmet kórsetiletin el. Bul da olardyń eńbegi. Qazaqstandyq jastar ótkenniń ıdeologııalyq shablondarynan ada, olarǵa búkil álem, álemdik órkenıettiń – mádenıet, ǵylym, tehnıka barlyq jetistikteri ashyq. Bizdiń jas ǵalymdarymyz, ánshilerimiz, óner qaıratkerleri, sportshylarymyz – bári de Qazaqstannyń halyqaralyq arenadaǵy jańa kelbetin qalyptastyratyn úlken kúsh», - dedi ol Elbasy amanaty: eldiktiń jeti tuǵyry» saraptamalyq dóńgek ústel otyrysynda.
QSZI dırektorynyń atap ótýinshe, Táýelsizdik perzentteri daryndy, shyǵarmashyl, pragmatıkalyq jáne tabanshyl. Olar ózderine joǵary talaptar qoıyp, ony sátti jeńe biledi. Qazaqstandyq jastardyń joǵary sapasy – Táýelsizdiktiń eń basty jetistigi. Sonymen qatar, jastardyń óz quqyqtary men múmkindikterin sózsiz norma, tabıǵı jaǵdaı retinde qabyldaýy Táýelsizdiktiń jas urpaq sanasynan irgeli qundylyq retinde tereń sińgenin aıǵaqtaıdy.
«Buǵan 30 jyldyq mereıtoı qarsańynda «Táýelsizdiktiń men úshin mańyzy» atty QR AQDM bastamasymen júrgizilip jatqan chellendj aıasyndaǵy qazaqstandyqtardyń aıtqan áńgimeleri mysal bolady. Joba aıasynda azamattar táýelsiz elde ómir súrýdiń ózi úshin ne ekenin aıtady. Mine, keıbir dáıeksózderdi keltireıin: «Táýelsizdik degenimiz – halyqtyń tirshilik etýi emes, ol rahatpen ómir súrýi»; «Táýelsizdik» «azattyq», «ádilet», «damý» degen sózdermen bir deńgeıde; «Táýelsizdik – bul sózsiz ózine degen senimdilik jáne ishki jan dúnıeńmen úılesimdilik. Bul damýǵa, alǵa umtylýǵa, qaıta qýattaný jáne energııany basqalarmen bólisýge degen ystyq yqylas. Bul ómirimizdiń qurylysshysy retinde jaýapkershilikti seziný» Zarema Sháýkenov.
Onyń paıymynsha, Táýelsizdiktiń aǵa urpaqtyń júreginde irgeli qundylyq retinde oryn alýy da mańyzdy jetistik boldy.
«Ideıalar kópshilikke taraı otyryp, memleketter men halyqtardyń taǵdyryna barynsha sheshýshi áser etýge qabiletti materıaldyq kúshke aınaldy. Bul postýlat bizdiń Otanymyzdyń tarıhynda óz kórinisin tapty. 90-jyldardyń basynda oryn alǵan ádettegi ıdeologııalyq qurylymnyń jáne qalyptasqan qundylyqtar aýqymynyń kúıreýi qoǵamdaǵy «mádenı jaraqat» belgileriniń kórinýine negiz boldy. Bul sáıkestik daǵdarysynda, senimsizdik sındromynyń paıda bolýymen, turǵyndardyń apatııasynda kórinis tapty. Dál osy Táýelsizdikke degen senim Qazaqstan halqyna ekonomıkalyq kúıreý jaǵdaılaryna tótep berýge jáne eń aýyr ıdeologııalyq daǵdarystan, áleýmettik enjarlyq pen jeke bastyń jeke máseleleri aıasyndaǵy oqshaýlanýdan shyǵýǵa múmkindik berdi. Táýelsizdik búkil qazaq halqynyń rýhynyń qaıratyna serpin berdi», - dedi QSZI dırektory.