Jastarymyz shetelde júrse de sol jaqtan el múddesine qyzmet jasaı alady - Prezıdent

PAVLODAR. QazAqparat – Jastardyń órshil ıdeıalary men erik-jigeri – Qazaqstandy damytatyn basty kúsh. Bul týraly Memleket basshysy Qasym-Jomart Toqaev Pavlodar oblysy jurtshylyǵymen kezdesýinde aıtty, dep habarlaıdy QazAqparat BORT 1 telegram kanalyna siltememen.

«Jas urpaq aǵa býynnyń ómir jolynan taǵylym ala bilgeni jón dep sanaımyn. Jastarymyzdyń kez-kelgen sátte elge oralýyna múmkindik bar. Tipti, shetelde júrse de sol jaqtan el múddesine qyzmet jasaı alady. Biz olarǵa memleketshildik rýhyn sińirip, el ıgiligine qyzmet etýge jumyldyra bilýimiz kerek. Búgingi jastar zaman talabyna tez beıimdele alady. Olardyń órshil ıdeıalary men erik-jigeri – Qazaqstandy damytatyn basty kúsh. Óskeleń urpaqtyń osy áleýetin durys arnaǵa baǵyttaý – bizdiń mindetimiz», - dedi Prezıdent.

Buǵan deıin Memleket basshysy Úkimetke jyl sońyna deıin «Pavlodar – Astana» baǵytyndaǵy turaqty áýe qatynasyn qalpyna keltirýdi tapsyrǵan bolatyn.

Foto:t.me/bort_01