Jastarǵa jalǵa berý úshin iri qalalarda 9 myń páter satyp alynady

<p>Respýblıkalyq mańyzy bar qalalarda jastarǵa 3 myń jaldamaly páter satyp alý úshin 32,3 mlrd teńge bólinbek. Bul týraly Májilis depýtattarynyń saýalyna Premer-Mınıstrdi birinshi orynbasary Roman Sklıardyń jaýabynda aıtylǵan, dep habarlaıdy Kazinform.</p>

«Jastar jylynyń ashylý saltanatyndaǵy Memleket basshysynyń tapsyrmasyna sáıkes, jastardyń turǵyn úı máselelerin sheshý maqsatynda 2019-2022 jyldary respýblıkalyq bıýdjet qarajaty esebinen Astana, Almaty jáne Shymkent qalalarynda jumys isteıtin jastarǵa arnalǵan 10 myńǵa jýyq jalǵa berý páterleri salyndy. 2023-2025 jyldary atalǵan qalalardyń árqaısysynda qosymsha 3 myń jalǵa berý páterlerin satyp alý úshin jergilikti bıýdjetterden 32,3 mlrd teńge bólý josparlanýda», - dedi Úkimet basshysynyń birinshi orynbasary jaýabynda.

Sondaı-aq, ol basqa óńirlerdiń jergilikti atqarýshy organdary ózderiniń daıyndyǵy men qarjylyq múmkindikterine qaraı jumys isteıtin jastar úshin jergilikti bıýdjet esebinen jalǵa beriletin turǵyn úı salý máselesin qarastyratyndyǵyn atap ótedi. 

«Óz kezeginde, satyp alý quqyǵynsyz jalǵa berý tetigi jastarǵa óz turǵyn úıin satyp alý úshin bastapqy jarnaǵa qarajat jınaýǵa baǵyttalǵan. Mundaı júıe azamattardy qarajatty uqypty jınaqtaýǵa jáne táýeldi kóńil-kúıdi tómendetýge yntalandyrady», - dedi Roman Sklıar.