Jastardyń únine qulaq asý óte mańyzdy – Vıtse-mınıstr Aleksandr Danılov

NUR-SULTAN. QazAqparat – Zhas Project sııaqty jobalar jastarǵa qazir ne qajet ekenin túsinýge jáne óz bastamalaryn iske asyrýǵa kómektesýge múmkindik beredi. Bul týraly QR Aqparat jáne qoǵamdyq damý vıtse-mınıstri Aleksandr Danılov aıtty, dep habarlaıdy QazAqparat.

«Búgin mınıstrdiń atynan quttyqtaǵym keledi jáne jobanyń barlyq deńgeıdegi jumysyna qatysqan árbir adamǵa alǵys aıtqym keledi. Rasynda da biz jastar saıasaty salasynda tek memlekettik bastamalar deńgeıinde ǵana emes, barlyq múddeli steıkholderlermen jumys deńgeıinde kóptegen ózgeristerdi oılastyrdyq. Jobalardyń nátıjelerin talqylaý úshin jaqsy top jınalǵanyna óte qýanyshtymyn. Bárińizge únemi kezdesip, saıasatymyzdy jaqsartqandaryńyz úshin alǵys aıtamyn», - dedi QR Aqparat jáne qoǵamdyq damý vıtse-mınıstri.

Óz sózinde Aleksandr Danılov dóńgelek ústel qatysýshylaryn jastar saıasatynyń jańa tásilderin jasaýǵa shaqyrdy.

«Qazir biz jastardyń máselelerin jastardyń ózi talqylaǵanyn, olardyń saıasat obektisi bolýdy toqtatyp, sýbekt bolýy úshin ne qajet ekenin oılastyrǵanyn qalaımyz. Jastardyń únine qulaq asý óte mańyzdy. Zhas Project sııaqty jobalar bizge jastarǵa qazir ne qajet ekenin túsinýge jáne óz bastamalaryn iske asyrýǵa kómektesýge múmkindik beredi. Mınıstrlik retinde sizderdiń bastamalaryńyzdy jalǵastyryp, jobalardy iske asyrý úshin jańa platformalardy usyna alamyz dep úmittenemin», - dedi A. Danılov.

Aıta keteıik, búgin elordada «Jastar korpýsyn damytý jobasyn júzege asyrý qorytyndylary» atty dóńgelek ústel ótip jatyr. Bes jylda atalǵan jobaǵa 10 myńǵa jýyq jastar qatysty jáne 3 myń granttyq jobany júzege asyrdy .