Jastardyń saıası ómirge qatysýyna suranys Parlamentke 30% kvota arqyly júzege asty – saıasattanýshy

NUR-SULTAN. QazAqparat – Pandemııa jaǵdaıynda halyqtyń 63%-y saılaýǵa qatysty. Demek saılaýǵa daıyndyq júrgizilgen bir jyl bosqa ótken joq. Bul týraly Sailau Talks-2021 sharasynda saıasattanýshy Janar Túlendınova aıtty, dep habarlaıdy QazAqparat tilshisi.

«Bul saılaýdy ótken jyly bastalǵan bıliktiń tranzıttik kezeńderiniń biri retinde qarastyrǵan jón, bul qazaqstandyq qoǵamdaǵy suranysty aıqyn kórsetti. Saılaýǵa daıyndyq jyly jemisti paıdalanylǵanyn kóremiz. Jastar qozǵalysynyń suranysy turǵysynan qaraıtyn bolsaq, jastardyń saıası ómirge aralasýyn qoldaý 30% kvota berýmen júzege asyryldy. Sondaı-aq, kvota áıelder tarapyna da berilgenin aıta ketken jón. Saılaý ótpes buryn Parlamenttiń quramy jańartyla ma degen suraq týyndaǵan edi. Jańarý partııalyq brendterge ǵana emes, jańa tulǵalarǵa da qatysty boldy. Bılik partııasy saılaýǵa deıin ishki partııalyq irikteý júrgize aldy», - deıdi Janar Túlendınova.

Ol epıdemıologııalyq jaǵdaıǵa qaramastan saılaýǵa qatysýshylar 63%-dan asqanyn aıtty.

«Ekonomıkalyq daǵdarys, pandemııa, áleýmettik salalardaǵy paıda bolǵan máseleler – saıası jaǵdarys táýekelin kúsheıtti, biraq onyń aldyn alýǵa boldy. Saılaý kórsetkendeı, máslıhattar deńgeıindegi partııalardyń kandıdattary partııalyq brendterdiń tanymaldyǵyn arttyrýǵa múmkindik berdi», - deıdi saıasattanýshy.