Jastardyń kásipkerlik bastamalaryn qoldaýǵa baǵyttalǵan arnaıy «Zhas project» granty bólinedi

ASTANA. QazAqparat - Aqparat jáne qoǵamdyq damý mınıstrligi Azamattyq bastamalardy qoldaý ortalyǵymen birlesip úkimettik emes uıymdarǵa arnalǵan 2023 jylǵa «Zhas Project» memlekettik granttaryn usyný jónindegi konkýrsty jarııalady, dep habarlaıdy QazAqparat.

Konkýrstyń basty maqsaty jastardyń ózekti máselelerin sheshýge, jastardy qásibı jáne kásipkerlik qabiletin arttyrý bolyp tabylady.

Eger 2022 jyly Zhas project jobasy Aqmola, Almaty, Jetisý, Qaraǵandy, Ulytaý, Mańǵystaý jáne Túrkistan oblystarynda júzege asyrylsa, 2023 jyly elimizdiń barlyq aımaqtary qamtylyp 18-35 jas aralyǵyndaǵy azamattarǵa 280 shaǵyn grant bólinedi. Aýyl jastarynyń, NEET jastarynyń jáne áleýmettik osal toptaǵy jastardyń, onyń ishinde múgedektigi bar adamdardyń kásipkerlik bastamalaryn qoldaýǵa erekshe nazar aýdarylatynyn aıta ketken jón.

Joba aıasynda bilikti jattyqtyrýshylardy, tálimgerlerdi, psıhologtardy jáne áleýmettik jobalardy iske asyrý, ilgeriletý jáne damytý jónindegi mamandardy shaqyra otyryp, shaǵyn granttardy iske asyrý kezeńinde jastardy zańdyq jáne konsýltatıvtik turǵydan qoldaýdy uıymdastyrýdy qamtamasyz etý josparlanǵan.

Baıqaýǵa qatysý úshin ótinimder 14 tamyz Astana ýaqyty boıynsha saǵat 18.30-ǵa deıin qabyldanady.

Joba jaıly qosymsha aqparatty www.cics.kz saıtynan alýǵa bolady.