Jastardy ǵylymǵa qalaı tartýǵa bolady: Tóleýtaı Rahymbekovtiń usynysy
«Ǵylymı kadrlardyń sanyn kóbeıtý máselesi de óte ózekti. Sońǵy 30 jylda 1 mıllıon turǵynǵa shaqqanda respýblıkada ǵylymı kadrlardyń sany eki jarym ese azaıǵan. Bul kórsetkish boıynsha TMD-daǵy seriktserdiń ózinen 1,5-2 ese artta qalyp otyrmyz», - dedi Tóleýtaı Rahymbekov Ulttyq qoǵamdyq senim keńesiniń kezekti otyrysynda.
Ulttyq keńes múshesi ǵalym bolýdyń jastar arasynda tartymdylyǵyn arttyrý úshin mynadaı amaldardy usyndy.
«Birinshiden, memlekettik tapsyrys aıasynda magıstranttar men doktoranttar úshin oqý quny men shákirtaqy mólsherin arttyrý múmkindigin qarastyrý qajet. Buǵan tipti, memlekettik tapsyrys aıasyndaǵy olardyń sanyn azaıtý arqyly da qol jetkizýge bolady. Ekinshiden, «Bolashaq» baǵdarlamasy boıynsha eń jaqsy sheteldik ǵylymı ortalyqtarda ǵalymdarǵa stajırovkadan ótý sharalaryn qarastyrý kerek. Úshinshiden, ǵylymı mekemelerdi bazalyq qarjylandyrý kólemin ulǵaıtqan abzal. Tórtinshiden, ǵylymı jabdyq, ımporttyń salyqtyq jáne kedendik yntalandyrý máselesin sheshken durys», - dedi ol.