Jastardy baspanamen qamtıtyn «Abaı jastary» baǵdarlamasyna 513 ótinish tústi
Oblys ákimdigi baspasóz qyzmetiniń málimetine súıensek, 12 qańtar kúni «Abaı jastary» baǵdarlamasyna qujat qabyldaý aıaqtaldy.
«Barlyǵy 513 adamnan ótinish tústi. Konkýrstan ótken jaǵdaıda qatysýshyǵa bul týraly habarlanady. Eger qatysýshy belgilengen ýaqytta kelmegen jaǵdaıda, baǵdarlamaǵa qatysýǵa kezekte turǵan kelesi ótinish berýshige múmkindik beriledi. Tekserýden sátti ótken jaǵdaıda ótinish berýshi ózine satyp alýǵa baspana tabýy kerek», - delingen aqparatta.
Ol úshin oǵan 30 kúntizbelik kúnge deıingi ýaqyt beriledi. Sodan keıin 15 kún ishinde ótinish berýshi kelisim-shart jasaýǵa mindetti. Eger qandaı da bir sebeptermen qatysýshy óz mindetterin oryndamasa, ákimdik taǵy da qatysýǵa joldamany tizimdegi kelesi adamǵa beredi.
«Úmitkerler tizimi balldyq júıeni eskere otyryp, sanattar boıynsha qalyptastyryldy. Osy jyldyń ekinshi jartysynda bıýdjet qarajatyna sáıkes «Abaı jastary» baǵdarlamasy jalǵasyn tabady», - delingen habarlamada.