Jastardyń 5,5 myńǵa jýyq jobasyna jeńildetilgen mıkrokredıt beriledi

<p>2023 jylǵy 7 jeltoqsandaǵy jaǵdaı boıynsha &laquo;Agrarlyq nesıe korporatsııasy&raquo; AQ-ǵa kásipkerlik bastamalardy iske asyrý úshin jastarǵa beriletin jyldyq mólsherlemesi 2,5%-dyq jeńildetilgen mıkrokredıtter alýǵa 7,4 myń ótinim tústi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bıyl jalpy 5 796 mıkrokredıt berý josparlanǵan. Qazirdiń ózinde 5 496 joba maquldandy.

"Mıkrokredıttiń mólsheri 5 mln teńgege deıin, al qatysýdyń eń uzaq merzimi – 5 jylǵa (kez kelgen maqsatqa) nemese 7 jylǵa deıin (mal sharýashylyǵy salasyndaǵy jobalar úshin). Nomınaldy syıaqy mólsherlemesi – jyldyq 2,5%-dan aspaıdy.

Mıkrokredıt alýǵa ótinimderdiń eń kóbi Túrkistan (1014), Jambyl (786), Qyzylorda (642) oblystarynan, Astana (548), Shymkent (498) qalalarynan tústi", - dep jazdy Eńbek jáne halyqty áleýmettik qorǵaý mınıstrliginen.

Konkýrstyq komıssııalardyń sheshimimen 5 496 joba maquldandy, onyń ishinde 5 068 jobany iske asyrýǵa kredıt berildi. Kredıt alýshylardyń basym kópshiligi mal sharýashylyǵy, qyzmet kórsetý, saýda, ósimdik sharýashylyǵy jáne jeńil ónerkásip salasyn qamtydy.