Jastardy jigerlendirý jetistikke jeteleıdi – Narıman Qurbanov

<p>ASTANA. KAZINFORM &ndash; QR Prezıdenti Іs basqarmasyna qarasty Prezıdenttik ortalyqta V Dúnıejúzilik kóshpendiler oıyndary aıasynda &laquo;Sport jastardy áleýmettik ıntegratsııalaý quraly retinde: kóshpendiler mádenıetinen sabaq&raquo; atty halyqaralyq konferentsııa ótti.</p>

Іs-sharanyń ótýine Prezıdenttik ortalyqpen qatar ıÝNESKO-nyń Almatydaǵy Óńirlik keńsesi basshylyǵy muryndyq bolǵanyn atap ótken jón. Sonymen qatar, ıÝNESKO klýbtarynyń Qazaqstandyq ulttyq federatsııasy, QR UOK jáne BUU Áıelder uıymynyń qoldaýymen uıymdastyryldy.

Foto: Prezıdenttik ortalyq

Konferentsııa barysynda «Chempıonnyń tanymy: sport arqyly jańa urpaqqa shabyt» atty arnaıy sessııa ótip, tanymal sportshylar jınalǵan jastarǵa aqyl-keńesin berdi. Olardyń qatarynda 2012 jylǵy Olımpıada chempıondary Serik Sápıev, Olga Rypakova jáne Bıylǵy Parıj Olımpıadasynyń kúmis júldegeri Narıman Qurbanov boldy.

«Men negizi aýyryp jatyr edim. Jeke sharýalar da az emes-tin. Biraq, «jastarmen kezdesý uıymdastyrylady» dep shaqyrǵan soń bárin tastap arnaıy keldim. Sebebi, jeńisti joldy jastarmen bólisip, jigerlendirýdiń mańyzdy ekenin jaqsy túsinemin. Ózim de tanymal sportshylarǵa qarap boı túzedik. Olımpıadada kúmis enshileýimniń birden-bir sebebi de sol shyǵar. Sondyqtan da, jastarmen kezdesý uıymdastyrylsa mindetti túrde barýǵa tyrysamyn», - dedi Narıman Qurbanov.

Plenarlyq otyrys barysynda qatysýshylar sporttyń turaqty damýǵa, qoǵamdyq kelisimdi nyǵaıtýǵa jáne ınklıýzıvti qoǵam qurýǵa qalaı yqpal etetinin talqylady. Bul dıalog sport arqyly jastardy tárbıeleýge barlyq múddeli taraptardyń ózara tyǵyz árekettesýine yqpal etedi dep kútilýde.

Halyqaralyq konferentsııanyń qorytyndysy boıynsha Qazaqstanda áleýmettik ıntegratsııa jáne turaqty damý quraly retinde sportty odan ári damytý jáne qoldaý boıynsha usynymdar ázirlenbek.