Jastar jylyna oraı London - Nur-Sultan halyqaralyq velosherýi ótedi

NUR-SULTAN. QazAqparat - Jastar jylyna oraı «Beibitshilik jane birlik» («Peace and unity») degen ataýmen halyqaralyq velosherý uıymdastyrylady, dep habarlaıdy QazAqparat.

«Velosherýge 6 adam qatysady, olar 7 memlekettiń aýmaǵyn basyp ótýi jáne 5830 shaqyrymdy eńserýleri kerek. Velosıpedshiler shatyrda túnep, dala jaǵdaıynda tamaqtanyp, sondaı-aq kúndelikti sapar barysyn foto jáne beınejazbalar arqyly bólisip otyrýy tıis. Odan bólek, velosherý onlaın tártibinde kórsetiletin bolady», - dep habarlaıdy Qazaq geografııalyq qoǵamynyń baspasóz qyzmeti.

Halyqaralyq sharanyń maqsaty - Qazaqstannyń atyn álemge odan ári tanytý, týrızmniń qarqyndy damýyna sep bolý jáne kópshilikke sport pen salaýatty ómir saltyn dáripteý. Sonymen qatar, Qazaqstandaǵy Jastar jylyna arnalyp uıymdastyrylýda.

«Taıaýda velosherý qatysýshylary tanystyrylatyn bolady. Olardyń qalaı daıyndalǵandyqtaryn, aldaǵy túrli synaqtarǵa qalaı tótep beretinin biletin bolamyz. Velosherýge qatysty jańalyqtardy Qazaq geografııalyq qoǵamynyń áleýmettik jelilerinen bilýge bolady», - delingen habarlamada.

Velojarysty Qazaqstan halqy birligi kúnine oraı aldaǵy 29 sáýir kúni Londonnan (Ulybrıtanııa) bastap, 6 shilde qala kúninen oraı Nur-Sultanda aıaqtaý josparlanýda.