Jastar jyly: Jambyldyq 158 jas kásipker qaıtarymsyz grant utyp aldy
Atalǵan granttarǵa bólingen qarjyny tıimdi paıdalanýdy úılestirý basty talaptardyń biri bolyp otyr. Osy oraıda oblystyq «Atameken» kásipkerlik palatasy jas kásipkerlerge jol kórsetý maqsatynda jıyn ótkizip, jas kásipkerlerge keńes berdi.
Kásipkerlikti damytýǵa negizdelgen bul joba – jumyssyz júrgen jáne ózin-ózi jumyspen qamtyp otyrǵan turǵyndardy óz kásibin bastaýǵa úndeıdi. Sol arqyly aýyl, qala turǵyndarynyń ekonomıkalyq belsendiligin arttyrý. Jastar jyly aıasynda júzege asyrylyp otyrǵan jobaǵa 324 mıllıon teńge qarastyrylǵan bolatyn. Barlyǵy 466 tyń ıdeıalar usynylsa, onyń 158-i komıssııa músheleriniń kóńilinen shyqqan.
«Grant qarajaty 1 jyl ishinde ıgerilýi kerek. Bólingen qarjy durys jumsalýy erekshe baqylaýda bolady. Budan bólek, usynylǵan joba aıasynda jumys oryndary ashylyp, grant ıesi ári qaraı kásibin dóńgeletip áketýi tıis»,- deıdi oblystyq kásipkerlik jáne ındýstrııaldy-ınnovatsııalyq damytý basqarmasy basshysynyń orynbasary Jandáýlet Kenjebekov.
Mamandar grant ıeleri óz maqsattaryna erekshe jaýapkershilikpen kirisýdi kózdep otyrǵanyn aıtady. Kóp uzamaı olar óz jobalaryn iske asyryp, el damýyna úles qosady degen senim mol.