Jastar jyly: Stýdentter Elbasynyń bastamalaryn qoldaıdy

ALMATY. QazAqparat - Qazaqstannyń ár óńirinde jigerli, talapty sany jeterlik. Bul pikirdi S. Asfendııarov atyndaǵy Qazaq ulttyq medıtsına ýnıversıtetiniń 2-kýrs stýdenti Jeńis Jamashev aıtty, dep habarlaıdy QazAqparat tilshisi.

Jeńis Jamashevtyń aıtýynsha, ár qalada jigerli, talapty stýdentterdiń sany jeterlik.

«Dál osyndaı adamdar elimizdiń damýyna óz úlesin qosyp, Qazaqstandy álemdik arenalardan kórgisi keledi. El prezıdenti óziniń joldaýynda Qazaqstan álemniń 30 damyǵan memleket qataryna kirý kerek degen edi. Men osyny Z býyny shyndyqqa aınaldyrady dep oılaımyn», - dedi ol.

Sonymen qatar, ol jastar qala men elimizdiń oqıǵasyna belsene aralasa bastaǵanyn atap ótti.

«Eger byltyrǵy jyldy bıylǵy jylmen salystyrsaq, bıyl stýdentter qalanyń jáne ýnıversıtettiń kóptegen sharalaryna qatysyp júr. Meniń bir topta oqıtyn dostarym barlyq jobalardy qoldaıdy, óıtkeni biz ol jobalar óz jemisin beredi dep senemiz. Elimizdiń kórkeıýine jastar zor úlesin qosady. Men barlyq stýdentterge óz bastamalaryn sońyna deıin aıaqtap, alǵa qoıǵan maqsattaryna qıyndyqtarǵa qaramastan jetińder degim keledi», - dedi medıtsına ýnıversıtetiniń stýdenti.

Budan buryn habarlanǵandaı, Memleket basshysy Nursultan Nazarbaev Jastar jylynyń ashylýynda Úkimetke volonterlikpen aınalysatyn JOO stýdentteriniń shákirtaqysyn 30 paıyzǵa arttyrýdy tapsyrdy.

Sondaı-aq, Prezıdent «Jas maman» baǵdarlamasyn ázirleýdi júktedi.

Munymen qosa, «Dıplommen aýylǵa» baǵdarlamasyn damytýǵa qatysty tapsyrmalar berildi.

Elaman Turysbek