Jastar jyly óskeleń urpaqtyń bilimin shyńdaýǵa jol ashady - jas ǵalym
«Jastar jyly óskeleń urpaqqa ózderiniń bilimi men daǵdylaryn keńeıtýge jol ashatyndyǵyna senimdimin. Osy oraıda aqparattyq tehnologııalardy damytý, kásipkerlik jáne basqa da salalarda jastardyń qatysýy múmkindigi arta túspek. «Jas Otan» jastar qanaty barlyq jastardyń jobalaryn biriktirýge barsha kúsh-jigerin salatynyn senimmen aıta alamyn. Biz Táýelsizdik urpaǵymyz. Atap aıtqanda, biz Qazaqstannyń ıgiligi úshin jumys istep, úlesimizdi qosamyz», - dep toqtaldy ol.
Ivan Krepak búginde «Nur Otan» partııasy balalarǵa arnalǵan aqysyz ІT-synyptar ashylyp jatqanyn eske saldy.
«Osyndaı 1 myń synyp ashý josparlanǵan edi. Búginde 811-ge jetken ІT-synyptar 8-16 jas aralyǵyndaǵy balalardy baǵdarlamalaý men robototehnıkaǵa, sondaı-aq 3D-modeldeýge oqytýda», - dedi jas ónertapqysh.
Budan buryn qazaqstandyq oqýshylar úshin myńǵa tarta tegin IT-synyptar ashylatyndyǵy habarlanǵan edi.
Jastar jylynyń ashylýyna Úkimet músheleri, QR Parlamenti depýtattary, jergilikti atqarýshy organ basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysýda. Sonymen qatar bul jıynǵa shyǵarmashylyq, stýdenttik jáne jumysshy jastardyń ókilderi, jas sportshylar, daryndy balalar, zamanaýı medıa salasynyń ókilderi, balalar úıiniń tárbıelenýshileri men túlekteri, jas áskerı qyzmetshiler kelgen.
Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.
Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtqan bolatyn Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.