«Jastar jyly» - biz úshin úlken mártebe - Danııar Súndetbaev
Onyń sózinshe, Elbasynyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» atty jańa Joldaýy xalyq tarapynan ózgeshe qoldaýǵa ıe bolǵany sózsiz. Sebebi bul jolǵy kóterilgen máseleler de Qazaqstanda ómir súrip jatqan azamattardyń qarapaıym óz aýlasynda sportpen shuǵyldanýynan bastap qaýipsizdigine deıingi suraqtardy qamtydy.
«Bıýdjettik qyzmetkerler men ustazdarymyzǵa arnalǵan bastamalar búgingi qoǵamǵa qajetti ózgeristerdiń biri de biregeıi, bul tapsyrmalardy Elbasy jeke nazaryna aldy. «Tabysyńnyń óskenin qalasań, eńbekqor bolýyń qajet!» - dep, Elbasynyń dáıeksózin keltirgim keledi. Sebebi, ult arasynda eńbekqorlyqty dáripteý mańyzdy. Qoǵamnyń ár azamaty óz jumysyn elimizdiń damýyna aparar mańyzdy istiń bóligi dep bilse, zaıyrly memleket retinde kózdegen maqsattarymyz alys emes. Elbasynyń halyqqa Joldaýy - tálimgerdiń oqýshyǵa degen aqyly, jattyqtyrýshynyń sportshyǵa degen baǵyty, ákeniń balasyna ósıeti. ıAǵnı, qazaqstandyqtardyń ál-aýqatynyń ósý algorıtmi Joldaýda anyq kórsetilgen, bastysy - ony durys oryndaý»,-deıdi Danııar Súndetbaev.
Onyń sózinshe, Elbasynyń jastardy erekshe atap ótýi, jastardyń boıynda jaýapkershilikti arttyrady. Jaýapkershilikti alý - dittegen maqsatqa qol jetkizý úshin bárine de daıyn bolý degendi bildiredi.