Jastar jyly: Astanada sheteldik sýretshiler sheberlik sabaqtaryn ótkizedi
Sharaǵa Almaty, Shymkent, Sankt-Peterbýrg, Tbılısı, Bishkek, Pavlodar, Samarqan jáne Astanadan 25 sýretshi keldi.
«Bizdiń sımpozıým Jastar jylyna arnalǵan. Qatysýshylar quramynda 20-dan endi asqan jas sýretshiler bar. Bul óte jaqsy belgi jáne jyl boıy jastarmen tyǵyz qarym-qatynasta jumys istep, qoldaý kórsetemiz dep úmittenemin», - dedi sımpozıým uıymdastyrýshysy, «Dala Arýlary - Jenşıny Stepı» qoǵamdyq qorynyń dırektory Roza Júsipova.
Onyń aıtýynsha, shara aıasynda Táýelsizdik saraıynda sýretshiler kórmesi qoıylyp, QR Ulttyq mýzeıde jas mamandarǵa sheberlik sabaqtary ótkiziledi.
Sonymen birge, QR Qazaq ulttyq óner ýnıversıtetinde «Qazaqstannyń sýret ónerindegi realızm: muralar, syn-qaterler jáne ózgerister» taqyrybynda dóńgelek ústel ótedi.
«Erteńnen bastap, jastarǵa óz tájirıbemizdi úıretý maqsatynda sheberlik synyptaryn bastaımyz», - dedi Roza Júsipova.