Jastar jyly Aqtóbede bızneske beriletin qarjy artady
Q.Jubanov atyndaǵy Aqtóbe óńirlik ýnıversıtetinde jastardyń usynys aıtyp, pikir almasýyna múmkindik jasaldy. Oblys ákimi Berdibek Saparbaevtyń aıtýynsha, óńirde 32 myń jas jáne jas otbasy turǵyn úı kezeginde tur. Bul baǵytta bıyl 350 myń teńgesi bar jasqa 150 páter berý konkýrsy bastaldy.
«Jastar jyly aıasynda Aqtóbe qalasynda jalpy aýdany 58,6 myń sharshy metrdi quraıtyn 1 187 páterli turǵyn úı jáne 26 myń sharshy metrdi nemese 500-den astam páterdi quraıtyn jaldamaly turǵyn úılerdiń qurylysy salynady. Bıyl oblysta 22 myńnan astam jas jumyspen qamtylady. Onyń ishinde 12 500 adam bos jumys oryndaryna turaqty jumysqa ornalastyrylady, 1 500 adam «Jasyl el» jasaqtaryna joldanady. Bul maqsatqa oblystyq transfertten 100 mln teńge bólindi. Jalpy jastar arasynda «Jasyl el» jasaqtaryna suranys joǵary ekendigin eskerip, bıyl jasaq sanyn 6 myńǵa jetkizý qajet dep esepeımiz. Qosymsha 100 mln teńge qajet beriledi», - dedi oblys ákimi Berdibek Saparbaev.
Aıta keteıik, jastar arasyndaǵy kásipkerlikti damytý maqsatynda «Bıznes Bastaý» jobasymen 610 adam oqýǵa jiberiledi. Barlyǵy 200 jas shaǵyn nesıe alady. Jospar boıynsha 78 jasqa 252 500 teńge kóleminde grant beriledi.
«Nátıjeli jumyspen qamtý jáne jappaı kásipkerlikti damytý" baǵdarlamasy aıasynda 3 myńǵa jýyq jas kásibı bilim alady. Jastardyń startap jobalaryna 40 mln teńge qarjy bólinip, 8 myńnan astam jas kásipkerlik salasyndaǵy túrli sharalarmen qamtylady. 300-den astam jas shaǵyn nesıe, grant alady. Ótken jyly Dúnıejúzilik damý banki qoldaýymen osal toptaǵy jastardy jumyspen qamtý maqsatynda «Zhas Project» jobasy jaqsy nátıje berdi. Barlyǵy 165 jastyń áleýmettik jobasy qarjylandyryldy. Árqaısysy 1 mıllıon teńge jaratty. Óńirlik joba bankter men qorlardyń qarjylaı qoldaýy arqyly jalǵasyn tabady», - dedi oblys ákimi Berdibek Saparbaev.
Jastar jyly Aqtóbede jumyspen qamtý, tájirıbe jınaý ári qaraı jalǵasady. Barlyǵy 200-den astam jas dáriger jumyspen qamtylyp, 1 myń jas dáriger respýblıkanyń ozyq klınıkalarynda jáne 20 jas maman sheteldik klınıkalarda óz kásibı deńgeıin kóteredi.
«Bıyl memlekettik tapsyrys aıasynda kolledjderde 8 myń maman daıyndalady. Olar orman sharýashylyǵy, baý-baqsha jáne landshafttyq qurylys, Geodezııa jáne kartografııa, Ańshylyqtaný jáne ań ósirýshilik, Bastaýysh mekteptegi shetel tili pániniń muǵalimi, Bastaýysh mekteptegi ınformatıka muǵalimi, aýdarma isi sııaqty suranysy joǵary mamandyqty meńgeredi. Tehnıkalyq jáne kásiptik bilim berý uıymdarynyń túlekteri men WorldSkills chempıonatynyń jeńimpazdaryn halyqaralyq taǵylymdamadan ótedi. Bıylǵy jyly oblys boıynsha 23 ІT, robototehnıka klastary ashylady», - dedi óńir basshysy.