Jastar jyly: Aqtóbede 22 myń jas jumysqa ornalasady
Jastar jyly aıasynda Aqtóbe oblysynda birneshe is-shara bekitilgen. Aldymen 22 myń jasty jumysqa ornalastyrý jospary tur. Kem degende 150 jasqa páter beriledi. Alǵashqy 50 páterdiń kilti keshe tapsyryldy.
«Jasyl el» jasaqtaryna suranys joǵary ekendigi eskerilip, bıyl jaýyngerler sany 6 myń adamǵa jetkiziledi. Jastar arasyndaǵy kásipkerlikti damytý maqsatynda «Bıznes Bastaý» jobasy boıynsha 610 adam oqýǵa jiberiledi. Al 200 jas shaǵyn nesıe alady. Jastardyń startap jobalaryna 40 mln teńge qarjy bólinip, 8 myńnan astam jas kásipkerlik salasyndaǵy túrli sharalarmen qamtylady. 300-den astam jas shaǵyn nesıe, grant alady. Ótken jyly Dúnıejúzilik damý banki qoldaýymen osal toptaǵy jastardy jumyspen qamtý maqsatynda «Zhas Project» jobasy jaqsy nátıje berdi. Joba aıasynda 165 jastyń áleýmettik jobasy qarjylandyryldy. Óńirlik joba bankter men qorlardyń qarjylaı qoldaýy arqyly jalǵasyn tabady», - dedi oblys ákimi B.Saparbaev.
Sonymen qatar, Jastar jyly aıasynda 200-den astam jas dáriger jumyspen qamtylady. 1000 jas dáriger respýblıkanyń ozyq klınıkalarynda jáne 20 jas maman sheteldik emdeý oryndarynda óz kásibı deńgeıin kóterýge múmkindik alady.