Jastar jýrnalıstıkasyn damytýǵa arnalǵan Jas Qalam jobasy bastaldy
Jobanyń maqsaty - qazaqstandyq jýrnalıstıkany damytý, óz salasyndaǵy kásibı mamandarynan, elimizdiń tanymal jýrnalısterinen, BAQ menedjerleri men BAQ jetekshilerinen, blogerler men telegram-arnalardyń avtorlarynan, medıa- t renerlerden tegin bilim alýǵa múmkindik berý.
Dástúrli sıpatqa ıe bolǵan joba bıyl úshinshi ret ótkiziledi. Ótken jyly qatysýshylar blog júrgizý, telejýrnalıstıka, baspa jáne ınternet-jýrnalıstıka baǵyttarynyń bireýin ǵana tańdaýy kerek bolsa, al bıyl olar blog júrgizý jáne áleýmettik medıa, jeke brend qalyptastyrý jáne PR, telejýrnalıstıka, baspa jáne ınternet jýrnalıstıka sııaqty 4 baǵyt boıynsha bir aı kúndelikti bilim ala alady.
Aıta ketý kerek, bıyl oqý eki tilde ótedi. 26 qazannan 20 qarashaǵa deıin orystildi topqa, al 16 qarashadan 11 jeltoqsanǵa deıin qazaqtildi topqa arnalǵan trenıngter ótedi.
- Bıylǵy jyly master-klasstardyń taqyryptary men baǵyttaryn ártaraptandyrý sheshildi. Biz árbir jas jýrnalıstiń zertteýge arnalǵan taqyryptardyń tolyq spektrin alǵandyǵyn qalaımyz. Jyl saıyn ótkiziletin «Jas qalam» trenıngteri óz tıimdiligin kórsetti. Óıtkeni, qatysýshylar aqparattyq jumysty júrgizýde jańa tásilder qoldanady, qatelikterin kóredi
jáne jańalyq taratýdyń jańa formattaryn ıgeredi, - deıdi Nursultan Nazarbaev qory atqarýshy dırektorynyń orynbasary Álkeı Marǵulanuly.
Baǵdarlamanyń birinshi baǵyty - «Bloggıng». Bul apta tolyǵymen áleýmettik medıa, kopıraıtıng, storıtellıng, Instagram jáne Youtube platformalardaǵy qazirgi tendentsııalarmen tanysýǵa arnalady.
Ekinshi baǵyt - «PR jáne jeke brendıng». Qoǵammen baılanys salasynyń úzdik mamandary ımıdj qalyptastyrý, BAQ-pen ózara baılanys qurý jáne daǵdarysqa qarsy tura alatyn menedjmenttiń syrlaryn jas jýrnalısterge aıtyp beredi.
Úshinshi baǵyt TV salasynda qyzmet etý men avtorlyq baǵdarlama júrgizýdi armandaǵandar úshin erekshe qyzyq bolmaq. Telejýrnalıstıka aptalyǵy jańalyq júrgizý, TV shoý baǵdarlama ázirleý, jeke baǵdarlama taqyryptaryna arnalady.
Baǵdarlama baspa jýrnalıstıkasynyń negizderin, tendentsııalaryn jáne onlaın BAQ-ta jumys isteýdi, maqala jazý men suhbattasý ónerin úıretetin baǵyttaǵy oqýmen aıaqtalady.
«Jobaǵa qatysýshylardyń sany jyl saıyn ósip kele jatqany qýantady.
2018 jyly jas jýrnalısterge arnalǵan forým Qazaqstannyń 4 oblysynda ótti. 2019 jyly aımaqtyq forýmǵa elimizdiń 7 aımaǵynan 1000-nan astam jas qatysty. 2 aılyq onlaın-jobanyń sońynda biz qatysýshylarmen baılanysymyzdy úzbeımiz, olardy baqylap, tálimgerlik kómek kórsetemiz jáne jas jýrnalıster men blogerlerge arnalǵan onlaın medıa qoǵamdastyqtyń odan ári damýy úshin joba qatysýshylaryn kommýnıkatsııalyq alańǵa
biriktiremiz», - dedi Qazaqstan Jastar kongresiniń atqarýshy dırektory Toqtar Bolysov.
Uıymdastyrýshylar Jas Qalam biryńǵaı bilim berý platformasyn qurýdy bastap ketti. Ony 2020 jyldyń jeltoqsanynda, jobanyń sońynda iske qosý josparlanyp otyr.
Orys tobyna tirkelý 22 qazan, al qazaq tobyna 16 qarasha aıaqtalady.Silteme jobanyń ınstagram-paraqshasynda (@jas.qalam) kórsetilgen.