«Jastar» teatry jyl basynan 100-den astam qoıylym usynǵan
«Jastar teatry» Astana qalasy ákimdiginiń qoldaýymen 2007 jyly 5 shildede quryldy. Óner ujymy 16 jyldyq tarıhynda halyqaralyq, respýblıkalyq deńgeıdegi baıqaýlardan 14 Gran-prı júldesin ıelendi», - dedi «Jastar teatry» MKQK basshysynyń orynbasary Erbolat Elýbaı Astana qalasynyń kommýnıkatsııalar qyzmetindegi brıfıngide.
Búginde teatr repertýarynda 50-den astam spektakl bar. Akterlerdiń 99 paıyzy T.Júrgenov atyndaǵy Qazaq Ulttyq óner akademııasynyń túlekteri.
Sonymen qatar mekeme janynda «Qanattylar» ınklıýzıvti teatry jumys isteıdi. Inklıýzıvti teatr fızıologııalyq ereksheligi bar adamdardyń talantyn shyńdaýǵa zor múmkindik jasap otyr.
Erbolat Elýbaıdyń aıtýynsha, teatr ujymy Ońtústik Koreıa memleketinde Azııa elderi boıynsha eń iri HІІ Halyqaralyq mıýzıkl festıvaline «Jibek» mıýzıklimen qatysty. Mıýzıkl janry damyǵan Frantsııa, Reseı, Ulybrıtanııa, Chehııa, Qytaı, Koreıa, Taıvan syndy iri memlekettermen qatar óner kórsetý jas ujym úshin úlken mártebe ári baǵa jetpes tájirıbe bolǵan.
Bıylǵy jarty jyldyqta teatr 77 spektakl qoıyp, 140-tan astam is-shara ótkizdi. Onyń ishinde 100-den astam qoıylym bar. Óner ordasynyń qoıylymdaryn 32 myńnan astam kórermen tamashalaǵan.