«Jastar sınergııasy» forýmy aıasynda úzdik startap jobalar anyqtaldy
Forýmnyń ereksheligi - jobalaryn sátti júzege asyrǵan el jastarynyń tájirıbesin kópshilikpen bólisý.
«Tabysty jobalar sherýi» alańynda qazirgi ýaqytta jobalarymen jumys istep jatqan «Baıserke-Agro» agroholdıngi quryltaıshysynyń keńesshisi K. Pavlov zamanaýı aýylsharýashylyǵynda organıkalyq ónimderin óndirý jaǵdaıyndaǵy qoldanylyp jatqan ınnovatsııalar men tehnologııa jańalyqtarymen bólisti.
Sondaı-aq, «Aýyl - memleket tiregi» prezentatsııasymen jobanyń qurýshysy D. Korepanov, «Jańa sheshim» bilim qorynyń bas dırektory V. Kım balalarǵa til úıretýdiń jańa ádistemelerimen bólisse, «Qazaqstannyń 100 jańa esimi» jobasynyń jeńimpazy M. Bekturǵanov bıonıkalyq protezderdiń jasalý tarıhymen, tabysqa jetý jolyndaǵy qıyndyqtar jáne jetistik joldaryn tabý ádisimen bólisti.
Qatysýshylar joba avtorlaryna jan-jaqty suraq qoıyp, jarııalanǵan taqyryp keńinen tarqatyldy. Tájirıbeli mamandar «armanyńnan bas tartpa» dep, jastardyń júreginde qulshynys energııasynyń tetigin basqandaı áser qaldyrdy.
«Sınergııa forýmy Elbasynyń bastamasyna sáıkes jastardyń tyń ıdeıasy men startaptaryn qoldaý maqsatynda uıymdastyryldy. Bunyń barlyǵy jastar men olardyń tyń jobalaryn júzege asyrý maqsatynda júrgizilýde. Sebebi úzdik dep tanylǵan startap jobalardyń avtorlary óz ıdeıalaryn iske asyrýǵa múmkindik alady. Sharanyń basty maqsaty - jastarǵa jol ashý, basyn qosý, bul óz kezeginde «Rýhanı jańǵyrý» baǵdarlamasynyń júzege asyrylýyn bildiredi», - dedi QHA Tóraǵasynyń orynbasary - Hatshylyq meńgerýshisi Leonıd Prokopenko.
«Jastar sınergııasy» forýmy aıasynda úzdik dep tanylǵan startap jobalar:
«Bıznes jáne rýhanı qoǵam» nomınatsııasynda Baýyrjan Salyqov, «Arman- bolashaqtyń mektebi» jobasy;
«Bolashaqqa baǵdar» nomınatsııasynda Tımýr Rysbekov, «Maria system Ide» jobasy;
«Green Startap» nomınatsııasynda Aınur Ábiltaeva, «SQO-daǵy dárilik ósimdikter jıyntyǵy jáne Qazaqstannyń farmatsevtıkalyq kompanııalary úshin shıkizat daıyndaý» jobasy;
«Eń kreatıvti ıdeıa» nomınatsııasynda Dıana Aralbaeva, «Gofrokarton» jobasy;
«Týǵan jer» nomınatsııasynda Aıdar Beksultanov, «Etnokonstrýktor» jobasy;
«Úkili úmit» nomınatsııasynda Aıbek Idaıatov, Samal Muhtarova, «Bizben birge oqımyz» jobasy.
Startap jeńimpazdary men qatysýshylary dıplomdarmen, baǵaly syılyqtarmen marapattaldy.
Forým sońynda qazaqstandyq estrada artısteriniń qatysýymen merekelik kontsert qoıyldy. Sondaı-aq, qonaqtar úshin EXPO-2017 Nur Álem, QR «Ulttyq áskerı-patrıottyq ortalyǵy», «Astana Opera» memlekettik opera jáne balet teatry, «Allanyń gúli» jańa meshiti nysandaryna ekskýrsııa uıymdastyryldy.