Jastar saıasatynyń jańa qaǵıdalary ázirlendi
«Biz qazir jastar saıasatynyń Jastar sany da aıtarlyqtaı ósip keledi. Bul bir jaǵynan demografııalyq statıstıka, onyń ishinde Prezıdenttiń jastar sanatyna kiretinderdiń jasyn 35-ke deıin ulǵaıtý jónindegi tapsyrmasyna da baılanysty», - dedi Aqparat jáne qoǵamdyq damý vıtse-mınıstri Aleksandr Danılov vedomstvonyń keńeıtilgen alqa májilisinde.
Vıtse-mınıstr jastar saıasatynyń birqatar jańa qaǵıdalary ázirlengenin eske saldy.
«Birinshi kezekte, jastardy obekt retinde qarastyrýǵa bolmaıdy. Jastar – memleket úshin eń mańyzdy sýbekt, mańyzdy resýrs. Jastardy obekt retinde qaraýdy qoıyp, sýbekt retinde sanasý tásiline kóshýge tıispiz. Jastardyń ózi de memleket olarmen qandaı turǵyda jumys isteýi kerektigin aıtyp, suranystaryn jetkize bilýi kerek. Bul óte mańyzdy másele. Ekinshi mańyzdy mindet – ataýly jumys. Jastarǵa birjaqty qarap, jalpylama qarym-qatynas ornatý azdyq etedi. Óıtkeni ár óńirdegi jastardyń umtylystary ár túrli. Sondyqtan, jastar saıasaty ıkemdi, ataýly bolýy tıis», - dedi vıtse-mınıstr.
Aleksandr Danılovtyń sózine qaraǵanda, memleket salaýatty básekelestikti yntalandyrýy kerek. Aıtýynsha, bul eń aldymen túsinikti, tolyqqandy túsindirilgen memlekettik baǵdarlamalar arqyly iske aspaq.
«Kelesi óte mańyzdy komponent – dáıekterge negizdelgen saıasat. Biz qazir jastardyń túrli sanattarynyń arasynda ne bolyp jatqanyn túsinýimiz kerek. Kóbirek zertteýler júrgizip, tek memlekettik qana emes, halyqaralyq zertteýlerge de nazar aýdarý qajet. Ol zertteýler jumysymyzda tıimdi paıdalanýylýy kerek.
Halyqaralyq uıymdarmen jumystyń da mańyzy zor. Shyn máninde, túrli halyqaralyq uıymdardyń kóptegen jobalary jastardyń atsalysýymen júzege asyrylady. Ortaq nátıjelerge qol jetkizý úshin bul baǵytta da ashyq jumys isteýimiz kerek», - dep túıindedi Aleksandr Danılov.