Jastar saıasatyna olardyń ózin jumyldyrý mańyzdy – Azııa jastary keńesinen

NUR-SULTAN. QazAqparat - Azııadaǵy ózara is-qımyl jáne senim sharalary keńesi (AÓSShK) hatshylyǵynyń atqarýshy dırektory Qaırat Sarybaı jastar máseleleri Úkimet úshin áleýmettik-ekonomıkalyq saıasat ekenin aıtty, dep habarlaıdy QazAqparat tilshisi.

«Bul keńes - tájirıbe almasý alańy. Adamdardyń ózara baılanysy búginde jahandyq mańyzǵa ıe bolyp otyr. Sebebi shekaralardan ótýdiń barǵan saıyn sharty kóbeıip barady. Úkimet neǵurlym oń nátıjeli elderdiń tájirıbesin zerdeleýi tıis. Azııa aıtarlyqtaı jas ekenin eskere otyryp, spıkerler aıtqandaı, jastar úni basym bolady. Men taıaýda Bangladeshte boldym. Ondaǵy jastardyń úlesi Ózbekstanǵa qaraǵanda edáýir kóp. Jastar saıasaty - Úkimet úshin áleýmettik-ekonomıkalyq saıasat. Sondyqtan ózara pikir jáne tájirıbe almasý mańyzdy. Jastar saıasatyna olardyń ózin jumyldyrý qajet», - dedi Qaırat Sarybaı.

Onyń aıtýynsha, jastar máselelerin sheshýde olardyń belsene qatysqany abzal.

«TúrkPA jastar qaýymdastyǵy bar. Biz onda saıası ınstıtýttar, Parlamentterdegi partııalar arqyly máseleni sheshýde qandaı tásilge súıenetinin qadaǵalaımyz. Azııa jastarynyń keńesi Qazaqstan jastary úshin óte perspektıvaly alań dep esepteımin. Sońǵy saıası oqıǵalar aıasynda bıleýshi partııanyń jastar qanaty da qaıta quryldy. Jastar saıasatynda jańa tásilderdi ázirleý týraly sheshim qabyldandy. Bul turǵyda eń jaqsy tájirıbe – halyqaralyq tájirıbeni zertteý. Jalpy, AÓSShK oń damýda, kóptegen múshe memleketterde bizdiń qurylymymyzǵa suranys bar. Qazaqstan Prezıdenti Qasym-Jomart Toqaev óz úndeýinde aıtqandaı, AÓSShK jahandyq týrbýlenttilik kezeńinde – bul dıplomatııanyń talap etiletin, tıimdi, kópjaqty alańy», - deıdi ol.

Buǵan deıin habarlaǵanymyzdaı Azııada jastarǵa arnalǵan vırtýaldy alań qurý usynyldy.