«Jastar Rýhy» Jastar qanaty vandalızmmen qoǵam bolyp kúresýge shaqyrady

<p>&laquo;AMANAT&raquo; partııasy &laquo;Jastar Rýhy&raquo; Jastar qanatynyń músheleri Qazaqstannyń tarıhı, mádenı jáne tabıǵı murasyn vandalızmnen saqtaý maqsatynda aýqymdy aktsııa bastaǵan bolatyn. Búginde Jastar qanatynyń belsendileri qala ishindegi de vandalızmmen kúresti bastap ketti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jastar qanatynyń belsendileri avtobýs beketterin, balalar oıyn alańdaryn, jerasty jaıaý júrginshilerge arnalǵan baspaldaqtardy, ǵımarattar syrtynda jazylǵan jazýlar men boıaýlardan tazartty.

Sondaı-aq belsendiler vandalızmniń sheti kóringen nysandardy áleýmettik jelige de júktep, turyp jatqan qala men aýdandardy taza ustaýǵa shaqyrady. 

Foto: «Jastar Rýhy» Jastar qanaty

«Jastar Rýhy» Jastar qanatynyń Pavlodar oblystyq tóraǵasy Kákim Bákijan pavlodarlyqtardy qalada tazalyq pen tártipti saqtaýǵa shaqyrady.

«Barshańyzǵa belgili, elimizdegi tarıhı-mádenı nysandardy saqtap qalý maqsatynda respýblıkalyq aktsııany bastaǵan bolatynbyz. Búgin Pavlodar qalasynda kúndelikti kópshilik qaýym ótetin jerasty jaıaý júrginshiler baspaldaqtarynda salynǵan vandalızmniń izin joıý maqsatynda ataýly aktsııaǵa shyqtyq. Baıqap qarasaq, barlyǵy da adamnyń qolymen jasalǵan dúnıeler. Arnaıy eritkishterdiń kómegimen jazýlardyń basym kópshiligi óshirildi. Barsha jastar men qalanyń bolashaǵy men syrtqy kelbetine beıjaı qaramaıtyn jandardy bizdiń qatarymyzǵa qosylyp, atsalysýǵa shaqyramyz. «Tárbıe – tal besikten» demekshi, eń aldymen, qoǵamdyq tártipti ózimizden bastaıyq», - dedi ol.

Aıta keteıik, Qazaqstannyń tarıhı-mádenı oryndary men eskertkishterin vandalızmnen qorǵaý maqsatyndaǵy aktsııa barysynda Almaty oblysynyń jastary «Tańbaly tas» petroglıfterindegi artyq jazý men qoqysty tazalady. Al Shyǵys Qazaqstan turǵyndary Aqbaýyr» shatqalyn, Abaı oblysynyń jastary Sh.Qudaıberdiuly, Ulytaý oblysynyń belsendileri S.Seıfýllın, Aqtóbe jastary Bógenbaı batyr, Astana jastary Kenesary han eskertkishin tazalady. Sonymen qatar Jambyl jastary «Tekturmas» kesenesin, Mańǵystaý belsendileri «Ybyqty saı» shatqalyn, «Sultan Úpi», «Shaqpaq ata», «Qaraman saı» jerasty meshitin, Túrkistan turǵyndary Qoja Ahmet ıAssaýı kesenesi mańyn, Almaty jastary «Medeý» saıabaǵyn, Qyzylorda belsendileri «Qaljan ahýn» kesenesin, Shymkent jastary «Qoshqar ata» ózeni mańyn, jetisýlyqtar «Jarkent» meshitiniń janyn, Soltústik Qazaqstan jastary «Qyzyljar» óner ortalyǵy mańyn qoqys pen jazýdan tazartty. Aktsııa respýblıkanyń barlyq aımaǵynda jalǵasyp jatyr.

Foto: «Jastar Rýhy» Jastar qanaty