Jastar resýrstyq ortalyqtarynyń jumysy qalaı jandanady
«Qazaqstanda 227 jastar resýrstyq ortalyǵy bar. Bizde memlekettik jastar saıasaty salasyndaǵy ahýal shoǵyrlandyrylǵan Ulttyq baıandama bar. 2020 jylǵy Ulttyq baıandama jastardyń 45 paıyzy ǵana memlekettik baǵdarlamalardy biletinin kórsetti. Bálkim jastarǵa keıbir baǵyttar qyzyq emes shyǵar. Biz ortalyqta, óńirlik deńgeıde qolǵa alynǵan keıbir baǵdarlamalar dittegen jerine, ıaǵnı, jastarǵa jetpeı jatatynyn kórip júrmiz. Jastar resýrstyq ortalyqtary kez kelgen jas kelip, jumysqa ornalasý, bilim alý, baspana alý sııaqty máseleler boıynsha tolyqqandy aqparat alatyn orynǵa aınalýy kerek. Qazir osy maqsatty zańnamalyq turǵyda iske asyrýdyń jańa algorıtmderin qarastyryp jatyrmyz. Saıası reformalarǵa jastar tikeleı atsalysatyn bolady», - dedi Shahmardan Baımanov.
Komıtet basshysynyń aıtýynsha, jastar resýrstyq ortalyqtary atalǵan másele boıynsha úlken taldaý jasap jatyr.
«Óńirlerdiń teń jartysyn aralap shyqtyq. Keıbir óńirlerdiń jastarymen onlaın kezdesýler ótkizemiz. Sol kezdesýlerdiń bárinde jastar resýrstyq ortalyqtaryn proaktıvti konsaltıng ortalyq retinde tıimdi jumys istetý joldaryn talqylaımyz», - Jastar jáne otbasy isteri komıtetiniń tóraǵasy.