Jastar resýrstyq ortalyqtary damytýdyń naqty ornyna aınalýy kerek - sarapshy
«Olar árbir ákimshilik ortalyqta bar. Biz alty qanatqaqty jobadan bastap, jetinshisin jalǵastyrdyq. Onda beıresmı bilim berýdiń ustanymdary paıdalanylady», - dedi A. Qadyrova «NEET sanatyndaǵy jastar: áleýmettený máseleleri men olardy sheshý joldary» taqyrybynda ótken otyrysta.
Onyń aıtýynsha, ótken jyly osyndaı ortalyqtar 4 myń adamdy qamtyp, jastar onlaın jáne oflaın formatta bilim aldy.
Sonymen qatar A. Qadyrbaeva bıyl ıÝNISEF jastar resýrstyq ortalyqtary bazasynda bilim berýdi qoldaýǵa ázir ekenin jetkizdi.
«Jastar resýrstyq ortalyqtary jastardy damytýdyń naqty orny bolýy kerek. Jastar saıasatyn damytýǵa toqtalsaq, damyǵan elderde jastar saıasaty nemen aınalysatynyna sholý jasadyq. Máselen, Jańa Zelandııada jastar ortalyqtary tikeleı jastar máselesimen aınalysady. Olarda óte jetildirilgen tsıfrlyq júıe jasaqtalǵan. Júıde jastardyń barlyǵyn tirkelgen jáne olar málimetter bazasynan qajetti sanatty tańdaı alady.
Osy jumys isteıtin maman óziniń jastaryn tyńǵylyqty bilip, olarǵa qatysty jumysty atqara alatyn deńgeıge jetý kerek. Bizge túrli salalarda jastarmen kásibı túrde jumys isteı alatyn úkimettik emes uıymdar qajet. Osy oraıda kúsh-jigerdi shoǵyrlandyrǵan durys bolady. Jastardyń daǵdylary men bilimine qatysty Aqparat jáne qoǵamdyq damý mınıstrligimen yntymaqtastyqty damytýǵa daıynbyz», - dedi ol.